Бұқар жырау даңғылы

 Басқа мағыналар үшін Бұқар жырау (айрық) деген бетті қараңыз.


Бұқар жырау даңғылы, Қазыбек би ауданында орналасқан. Темір жол вокзалынан солтүстік-батысқа қарай Ермеков, Әлиханов, Комиссаров, Сәтбаев, Жамбыл көшелерімен, Нүркен Әбдіров, Ленин даңғылдарымен, Бейбітшілік бульварымен қиылысып, Үлкен Бұқпа өзенін кесіп өтеді. Соғысқа дейінгі жылдары, Қарағанды темір жол торабы мен кірме жолдардың дамуына, Жаңа қаланың жерін игеруге байланысты қалыптаса бастады. Оның бойына негізінен бес және тоғыз қабатты үйлер салынған, олардың бірінші қабаттарында сауда, қоғамдық тамақтандыру, тұрмыс қажетін өтеу кәсіпорындары орналасқан. Әлиханов көшесімен қиылысында — қаланың орталық алаңы, «Арселор Миттал Теміртау» АҚ көмір департаменті әкімшілік үйі бар. Бұқар жырау даңғылының бойында мыналар орналасқан: Кеншілер мәдениет сарайы, Қарағанды академиялық музыкалық комедия театры, политехникалық колледжі (бұрынғы тау-кен техникумы), Абай атындағы облыстық балалар кітапханасы, бейнелеу өнері мұражайы, «Қарағанды» мейманханасы, Тұрмыс қажетін өтеу үйі, «Абзал» сауда орталығы. Бұқар жырау даңғылының бойында «Шахтер даңқы» монументі, Н. Әбдіров ескерткіші тұрғызылған.ref>Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5</ref>

Дереккөздер өңдеу