Валдай қыраты
Валдай қыраты, Валдай — Шығыс Еуропа жазығының солтүстік-батысындағы қырат. Ресейдің Ленинград, Новгород, Тверь, Псков, Смоленск облыстары аумағында. Ұзындығы 600 км, енді жері 80 км-ге жетеді. Абсолют биіктігі 343 м. Валдай қыратының негізін Мәскеу синеклизасының солтүстік-батыс қанатын құрайтын түп жыныстар (саз, тас көмір, әктас, мергель) түзейді. Қырат Шығыс Еуропа жазығындағы Каспий мен Балтық (Балт) теңіздерінің негізгі суайрығы болып табылады. Қыраттан Батыс Двина, Днепр, Еділ (Волга), т.б. өзендер бастау алады. Жер бедері төбелі-қырқалы, ойыстар мен қазаншұңқырларда көлдер көп. Ірілері: Селигер, Пено, Веслуг, Волго. Қыратта аралас және қылқан жапырақты орман өскен.[1]
Дереккөздер өңдеу
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |