Волан-де-МортХәрри Поттер әлемінің кейіпкері, басты антагонист. Тарихтағы ең ұлы қара сиқырмен айналысатын сиқыршы. Өте үлкен таңғажайып күштің иесі, крестраждар көмегімен ажалсыздыққа жеткен. Хәрри Поттердің дұшпаны.

Лорд Волан-де-Морт жайлы әр кітапта айтылады, ал фильмдерде бұл рөльді ойнағандар Ричард Бреммер (еске түсіру көрінісі), Ян Харт (профессор Квиррелдің дүмбісіндегі бетті ойнаған), Кристиан Коулсон (екінші фильмдегі 16 жасар Том Реддл), Рэйф Файнс (қайта оралған Волан-де-Морт), Хиро Файнс Тиффин (11 жасар Том), Фрэнк Диллэйн.

Есімі өңдеу

Шынайы есім Voldemort-тің ата-тегі французша. «vol de mort» — «өлім ұшуы» француз сөз тіркесіне ұқсас. Волан-де-Морт— шын аты «Том Марволо Реддлдің» анаграммасы («Tom Marvolo Riddle ⇒ I am Lord Voldemort»). Сиқыршылар әлемінде Волан-де-Морттан бәрінің қорқатыны соншалықты, тіпті оның атын атамайды. Кейіпкерлердің көбісі оны «Атын-атауға-болмайтын» немесе «Өзің-кім-екенін-білесің» деп атайды. Волан-де-Морт — Кадм Певереллдың ұрпағы, ал сиқыршылардың бәрі бір бірімен туысқан болғандықтан, ол Хәрри Поттердің алыс туысқаны. Оған қоса, ол Салазар Слизериннің ұрпағы. Том Реддл қаны аралас, бірақ ол бұны мұқият бүркемелейді.

Сыртқы келбеті өңдеу

Волан-де-Морттың денесі ағарыңқы, ақ қар сияқты, беті бас сүйекке ұқсайды, танауы жыландікіндей, көздері қызыл, денесі арық және ұзын және қолдарындағы саусақтары тым ұзын. Хогуартста оқып жүрген кезде ол тартымды жас жігіт ретінде суреттелген: беті батыңқы, аристократтық мүсін, көздері мен шаштары қара. Волан-де-Морт — маглдар мен жарты қанды сиқыршыларды жек көреді.

Хәрри Поттер мен Волан-де-Морттың ұқсастықтары өңдеу

  • Екеуі де жетім
  • Екеуі де таңқаларлық жағдайлармен кездескен
  • Екеуінің де шашы қара
  • Екеуі де жыландармен сөйлесе алады
  • Біреуі тірі болғанша, екіншісі тыныш өмір сүре алмайды

Жеке қасиеттері өңдеу

Волан-де-Морт ұқыпты, сақ, ақылды және байсалды. Ол өлімнен өте қатты қорқады.

Дереккөздер өңдеу

http://ru.harrypotter.wikia.com/wiki/%D0%A3%D1%87%D0%B0%D1%81%D1%82%D0%BD%D0%B8%D0%BA:%D0%92%D0%BE%D0%BB%D0%B0%D0%BD_%D0%B4%D0%B5_%D0%BC%D0%BE%D1%80%D1%82(%D0%A2%D0%BE%D0%BC_%D0%9C%D0%B0%D1%80%D0%B2%D0%BE%D0%BB%D0%BE_%D0%A0%D0%B5%D0%B4%D0%B4%D0%BB) http://www.vokrug.tv/person/show/Lord_Volan-de-Mort/ http://potter-base.ru/15-lord-voldemort.html