Гас Халберг Арво

Гас Халберг Арво( Arvo Kustaa (Gustav) Halberg,лақап аты:Гэс Холл)(08.10.1910 жылы туған, Айрон қаласы, Миннесота штаты-13.10.2000) - американ және халықаралық жұмысшы қозғалысының қайраткері.

Гэс Холл

Өмірбаяны

14 жасынан ағаш кесуші, шахтер болды, темір жол транспортында, болат құю өнеркәсібінде жұмыс істеді. 1927 жылы АҚШ Компартиясына (АҚШ КП) кірді. 1927-37 жылдары Миннесота,Огайо, Пенсильвания штаттарында бірқатар ереуілдер ұйымдастырды, жұмыссыздық пен соғысқа қарсы қозғалыстарға қатысты, бірнеше рет тұтқынға алынды (алғаш рет 1928 жылы). Болат құю өнеркәсібінің жұмысшылары кәсіподағының негізін қалаушылардың және оның басшыларының бірі болды. 1944 жылдан АҚШ КП Ұлттық комитеті Ұлттық атқару бюросының мүшесі. 1949 жылдан АҚШ КП Ұлттық комитетінің хатшысы. Холл 1949 жылы Смит заңы бойынша 1951-1957 жылдары түрмеде отырды, оны қудалау 1966 жылы ғана тоқтатылды. 1959 жылы желтоқсаннан АҚШ КП-нің бас хатшысы. Холлдың мақалаларында, сөйлеген сөздерінде, баяндамаларында американ империализмінің қазіргі жағдайына, АҚШ КП-нің стратегиясы мен тактикасына, халықаралық коммунистік және жұмысшы қозғалысына, бейбітшілік, демократия және социализм үшін күрес мәселелеріне маркстік талдаулар жасалады. Ол өз қызметінде марксизм- ленинизмнің тазалығы, ревизионизм мен оппортунизмге қарсы күрес мәселелеріне зор көңіл бөледі.

Сыйлықтары

• Халықтар достығы орденімен марпатталған (1975).

Дереккөздер

Ортаққорда бұған қатысты медиа файлдар бар: Category:Gus Hall