Гауһар Рүстембекқызы Рүстемова

Гауһар Рүстембекқызы Рүстемова (22.7.1956 ж.т., Тараз қ.) – заң ғылымдарының докторы (2001), профессор, полиция полковнигі (2001).

Қарағанды мемлекеттік университетін (1979) және ҚазМУ-дың аспирантурасын (1986, қазіргі ҚазҰУ) бітірген. Қызылорда қалалық ішкі істер бөлімінде тергеуші (1979–82), Алматы қаласындағы қазіргі Алмалы аудандық ішкі істер бөлімінде аға тергеуші (1986-90), 1990 жылдан ҚР ІІМ-нің Ғылыми-зерттеу академиясында аға оқытушы, адъюнатура, ғылыми орталық бастығы, ғалым-хатшы, кафедра бастығы қызметтерін атқарды. «Теоретические проблемы борьбы с преступлениями в сфере медицинского обслуживания населения» деген тақырыпта докторлық диссертация қорғады. Р. 100-ден астам ғылыми жарияланымның, оның ішінде 5 оқулық пен оқу-әдістемелік құралдарының авторы.