Гонсало Игуаин

Гонсало Херардо Игуаин (ис. Gonzalo Gerardo Higuaín; 10 желтоқсан 1987, Брест, Франция) — аргентиналық футболшы, "Интер Майами" клубының шабуылшысы. "Реал Мадридтің" еурокубоктардағы 700-інші голының авторы.[1].

Гонсало Игуаин Футбол
Игуаин 2012 жылы
Жалпы мағлұмат
Толық аты

Гонсало Игуаин

Лақап аттары

Pipita

Туған күні

10 желтоқсан 1987 (1987-12-10) (36 жас)

Туған жері

Брест , Франция

Азаматтығы

Аргентина Аргентина
Франция Франция

Бойы

184 см

Салмағы

80 кг

Позиция

шабуылшы

Клуб жайлы ақпарат
Клуб

АҚШ Интер Майами

Номері

20

Жастар клубы
Аргентина Ривер Плейт
Клуб карьерасы[* 1]
2004—2006 Аргентина Ривер Плейт 35 (13)
2007—2013 Испания Реал Мадрид 190(107)
2003—2016 Италия Наполи 104 (71)
2016—2020 Италия Ювентус 105 (48)
2018—2019  Италия Милан 15 (6)
2019  Англия Челси 14 (5)
2020— Америка Құрама Штаттары Интер Майами
Ұлттық құрамы[* 2]
2008 Аргентина Аргентина (олимп.) 1 (2)
2009—2018 Аргентина Аргентина 75 (31)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Биография өңдеу

Клубтық карьерасы өңдеу

Аргентиналық кәсіпқой футболшы Хорхе Игуаиннің (8 маусым, 1957) жанұясында өмірге келеді. Ол сол уақытта Брест француз клубында қорғаушы позициясында ойнаған. Балаға 10 ай толған кезде, ата-анасы Аргентинаға қайтады. Осылай, французша сөйлемесе де, Игуаин француз паспортының иегері болып табылады.

Гонсалоның үлкен ағасы Федерико Игуаин де (25 қазан, 1984) кәсіпқой футболшы болып табылады. Ол Ривер Плейт (ағасымен бірге), «Индепендьенте», «Бешикташ» клубтарында шабуылшы ретінде өнер көрсеткен. Қазіргі таңда америкалық "Коламбус Крю" клубында ойнайды.

2004-2006 жылдары «Ривер Плейтте» ойнады. 2007 жылдан бастап - Реал Мадрид ойыншысы. 2008/9 маусымында Испания чемпионатында 22 гол, 2009/10 маусымында 27 гол соғады (Лионель Мессиден кейін бомбардирлер арасында 2 орын).

Гонсало Игуаин 10 қыркүйектегі Хетафеге қарсы ойында өзінің голдарына есеп ашады. 24 қыркүйекте Райо-Вальеканоға маусымдағы екінші голын соғады (6:2). 2 қазанда Эспаньолаға қарсы ойында маусымдағы бірінші хет-трик жасайды. 8 қазанда Аргентина ұлттық құрама сатысында Чили құрамасына қарсы ойында тағы хет-трик жасайды (4:1).

15 қазанда тағы үш голды Бетиске қарсы ойында соғады. Игуаин 2011 жылы Реал Сосьедадқа (1:0), Осасунаға (7:1), Атлетико Мадридке (4:1), Загребтік Динамоға (6:2) гол соқты. 2012 жылдың 31 мамырында Гонсало Испания чемпионатындағы Реал Мадридтің 100-голын соқты.

2012/13 маусымының бірінші ойынында Валенсияға қарсы гол соғады (1:1). Валенсия қақпасына соққан голы аргентиналыққа ресми ойындарда Реал үшін соққан 104-ші голы болды. Дәл осыншама голды Роналдо соққан, Пипита кезінде сол ойыншыны алмастыру үшін сатып алынған болатын. 2012 жылдың 7 қарашасында болған Чемпиондар лигасының топтық сатысында Дортмундық Боруссиямен болған матчта жарақат алып, 2 айға қатардан шығып қалды. 2013 жылы 6 қаңтарда болған "Реал Сосьедадпен" ойында Карим Бенземаны 74-минутта алмастырып,қатарға қайта оралды. 2013 жылдағы бірінші голын Испания чемпионатының 20-турында "Валенсияға" соқты.

25-турда "Депортиво" клубымен болған ойында Игуаин өз командасының жеңіс голын соқты. Бұл оның испан біріншілігінде соққан 100-голы болды. Бұл үшін оған барлығы 179 матч қажет болды. Барлығы "корольдік клуб" үшін 13 ойыншы ғана 100 голдан астам гол соққан. 25 жасар Игуаин солардың бірі атанып, 22 жасында осындай көрсеткішке жеткен Рауль Гонсалестен кейінгі ең жас ойыншы болды.

2013 жылы шілде айында Игуаин "Наполиге" ауысты. "Наполи" үш маусым ойнап, Италия чемпионы бола алмады, есесіне 2015/16 жылғы маусымда 36 гол соғып, А сериясының рекордын жаңартты.

2016 жылы 26 шілдеде "Ювентус" футболшысы атанды. Екі маусым қатарынан "алтын дубль" иегері атанды (Италия чемпионы және кубок иегері). Чемпиондар Лигасының финалына шығып, бұрынғы клубы "Реалдан" ұтылды - 1:4.

2018 жылы жазда "Ювентуске" Криштиану Роналду келген соң клуб Игуаинді "Миланға" жалға берді.

2018/19 жылғы маусымның екінші жартысын "Челсиде" арендада өткізді. 14 рет алаңға шықты да, бес голдың авторы және УЕФА Еуропа Лигасының жеңімпазы атанды. 2019 жылы 1 шілдеде "Ювентуске" қайта оралды.

Ұлттық құрама өңдеу

2006 жылы Гонсало Аргентина және Франция футбол құрамаларынан шақыру алады, бірақ екі жаққа да келісім бермей, ойлануға уақыт алады. Кейінннен Аргентина құрамасына ойнауды жөн көреді[2].

2010 жылы Онтүстік Африка Республикасында өткен футболдан Әлем чемпионатында 22 жастағы Игуаин турнирдегі алғашқы хет-трик авторы атанды (Оңтүстік Корея құрамасына қарсы ойында, 4:1). Гонсало үшін бұл ұлттық құрамадағы 7-ойын болды. Игуаин бір матчте 3 гол соға алған 3-інші аргентиналық футболшы (оған дейін бұл нәтижеге Гильермо Стабиле (1930) және Габриэль Батистута қол жеткізді (1994 и 1998)). Гонсалоның хет-тригі әлем чемпионаттарының тарихындағы 49-шы болып, 2002 жылдағы Әлем чемпионатынан кейінгі бірінші хет-трик болды. 1/8 финалда Игуаин Мексика ұлттық құрамасына қарсы ойында тағы бір гол соқты. 1/4 финалда аргентиналықтар немістерден 0:4 есебімен жеңіліп, турнирден қайтты.

Игуаин 2014 жылғы әлем чемпионатында да бір гол соқты. Ширек финалда Бельгияның қақпасына ойын тағдырын шешкен жалғыз голды енгізді.

2018 жылы Ресейде өткен әлем чемпионатында Игуаин мүлде көзге түспеді. Чемпионаттан соң құрамадағы карьерасына нүкте қойды.

Статистика өңдеу

Клубтік өңдеу

Ақпарат 2012 жылдың 21 сәуіріне сай.[3]

Клуб Маусым Лига Кубок Құрлықтық басқа Барлығы
Ойын Гол Пас Ойын Гол Пас Ойын Гол Пас Ойын Гол Пас Ойын Гол Пас
Ривер Плейт 2004–05 6 0 0 0 0 0 0 0 0 6 0 0
2005–06 12 5 5 5 3 0 4 2 0 21 10 5
2006–07 17 10 11 0 0 0 2 0 0 1 0 0 20 10 11
Total 35 15 16 5 3 0 6 2 0 1 0 0 47 20 16
Реал Мадрид Ла Лига 2006/07 19 2 3 2 0 0 2 0 0 23 2 3
Ла Лига 2007/08 25 8 3 4 1 0 5 0 0 34 9 3
Ла Лига 2008/09 34 22 9 2 1 0 7 0 0 1 1 0 44 24 9
Ла Лига 2009/10 32 27 5 1 0 0 7 2 1 40 29 6
Ла Лига 2010/11 17 10 6 2 1 0 6 2 0 25 13 6
Ла Лига 20011/12 32 22 5 5 1 2 11 3 1 2 0 0 50 25 8
Ла Лига 2012/13 3 3 0 0 0 0 0 0 0 0 0 0 3 3 0
Барлығы 160 91 31 16 4 2 38 7 2 3 1 0 217 103 35
Бүкіл мансап 194 105 47 21 7 2 44 9 2 4 1 0 263 122 51

Жетістіктері өңдеу

Клубтық өңдеу

«Реал Мадрид»
  • Испания чемпионы (3): 2006/07, 2007/08, 2011/12
  • Испания суперкубогы (2): 2008, 2012
  • Испания кубогы: 2010/11
«Наполи»
  • Италия кубогы: 2013/14
  • Италия суперкубогы: 2014
«Ювентус»
  • Италия чемпионы (2): 2016/17, 2017/18
  • Италия кубогы (2): 2016/17, 2017/18
«Челси»
  • УЕФА Еуропа Лигасы: 2018/19

Аргентина

  • Әлем чемпионатының күміс жүлдегері: 2014
  • Америка кубогының күміс жүлдегері: 2015, 2016

Жеке өңдеу

  • Аргентина чемпионатының үздік ойыншысы (2006, Апертура)
  • Италия чемпионатының үздік мергені: 2015/16

Сілтемелер өңдеу

Дереккөздер өңдеу

  1. Игуаин Реалдың еурокубоктекі, 700-інші голын соқты(қолжетпейтін сілтеме)
  2. Игуаин шешімге келді. Және ұтылған жоқ Мұрағатталған 21 маусымның 2010 жылы. — «Спорт-Экспресс», 18 шілде 2010
  3. Higuain Statistics Мұрағатталған 8 ақпанның 2009 жылы.. Retrieved 27 қазан 2008.