Гүлдену
Гүлдену – гүлді өсімдіктердің бүршігінде гүлшанағының бастамасы түзілуінен бастап гүлсерігімен аталықтарының гүлдеп бітуіне дейінгі кезеңі. Гүлдеу онтогенезінің (жеке даму) өзгеру себебі, өсімдіктің дамуы өсу кезеңінен гүлдеу кезеңіне ауысады. Гүлдеу – ұрықтануды жүзеге асыру, сондықтан Гүлдену кезеңі ішкі жағдайдың өзгеруінен, яғни гүл бастамасын қалыптастыратын фитогормондардың жеткілікті мөлшерде түзілуінен басталады. Өркеннің өсуі конусында алдымен гүл тостағаншасы, содан соң күлтесі, аталықтың тозаң қабы, ең соңында жіпшесі жетіледі. Аталықтары екі шеңберлі гүлде алдымен ішкі шеңберіндегі аталықтар түзіледі. Аналықтың жеміс жапырақшасының төменгі бөлімі қарқынды өсіп, жатын пайда болады, содан соң мойны мен аузы жетіледі. Бұл құбылыс гүлшанақтың ішінде жүреді. Гүл алдымен тозаңданып, содан соң ұрықтанады, сөйтіп, гүлдеу кезеңі аяқталады. Көп жылдық өсімдіктер тіршілігін жойғанға дейін жыл сайын гүлдеп тұрады.
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Дереккөздер өңдеу
Қазақ энциклопедия
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |