Дивергент (фильм)

 Басқа мағыналар үшін Дивергент (айрық) деген бетті қараңыз.

Дивергент (ағылш. Divergent) — 2014 жылғы америкалық ғылыми фантастикалық, атыс-шабыс фильм. Вероника Роттың атауы бірдей романының негізінде режиссёр Нил Бёргер түсірген.

Дивергент
Divergent
Жанры	ғылыми фантастика, Атыс-шабыс фильм
Режиссёрі	Нил Бёргер
Продюсері	Люси Фишер Дуглас Уик Пуйа Шабазиан
Сценарийдің авторы	Ванесса Тейлор Эван Догерти Вероника Рот
Басты рөлдерде	Шейлин Вудли Тео Джеймс Эшли Джадд Джай Кортни Рэй Стивенсон Зои Кравиц Майлз Теллер Тони Голдуин Мэгги Кью Энсел Эльгорт Кейт Уинслет
Операторы	Алвин Х. Кюхлер
Композиторы	Junkie XL
Кинокомпания	Red Wagon Entertainment Summit Entertainment
Ұзақтығы	139 минут
Бюджеті	85 миллион $
Кассалық түсімі	268 488 853 $
Мемлекет	АҚШ
Тілі	ағылшынша
Шыққан жылы	2014
Келесі фильм	Инсургент
IMDb	ID 1840309
https://divergentthemovie.com/

Оқиға антиутопиялық пост-апокалиптикалық болашақтағы Чикагода орын алады. Мұнда адамдар өздерінің қасиеттеріне қарай өзара фракцияларға бөлінген. Беатрис Прайр атты бойжеткен дивергент (ауытқушы, кереғар) ретінде күдікті болады, сол себепті фракциялардың ешқайсысына да үйлесе алмайды. Кейін ол өзі идеалды деп есептеген қоғамда небір зұлым әрекеттер жоспарланып жатқанын ұға бастайды. Фильм АҚШ прокатына 2014 жылдың 21 наурызында шықты. Дивергент, 2 бөлім: Инсургент (ағылш. The Divergent Series: Insurgent) атты сиквелі 2015 жылы 19 наурызда прокатқа шықты.

Сюжеті

Антиутопиялық болашақтағы Чикагода, қоғам адамдардың қасиеттеріне қарай бес фракцияға бөлінген: Бас тарту (өзімшілдіктен ада), Досшылдық (бейбітшіл), Шыншылдық (адалдық), Білгірлік (зиялылық) және Батылдық (ержүректік). Беатрис Прайр (Шейлин Вудли) Батылдыққа қатты қызықса да, кедейлер мен еш фракцияда жоқ жандарға жәрдемдесетін және билікті басқаратын Бас тарту фракциясында өседі. Әкесі Эндрю (Тони Голдуин) Бас тартудың басшысы Маркус Итонмен (Рэй Стивенсон) бірге басқару кеңесінде қызмет етеді.

Жыл сайын 16-жасар жасөспірімдер қан сарысуы арқылы тапсырылатын икемділік сынағынан өтеді. Бұл тест олардың қай фракцияға сай келетінін анықтайды және Таңдау жасау рәсімінде әр жасөспірім өз таңдауын жариялайды. Беатристен тестті Батылдықтағы Тори (Мэгги Кью) есімді әйел алады. Беатристің тест қорытындысы бірнеше фракцияның (Бас тарту, Білгірлік, Батылдық) көрсеткішін көрсетеді, бұл оның дивергент екенін білдіреді. Тори Беатристің нәтижесін Бас тарту деп жазады да оған шынайы нәтижені құпия түрінде сақтау керектігін ескертеді. Оның айтуынша, дивергенттер азат ойлай алады және билік олардың ойын басқара алмайды әрі олар қоғамдық құрылымға қауіп деп танылады.

Келесі күні Таңдау жасау рәсімінде Беатристің бауыры Калеб (Энсел Эльгорт) Білгірлікті, ал Беатрис Батылдықты таңдайды. Рәсімнен соң Беатрис өзі сияқты Батылдықты таңдағандар: екі шыншыл - Кристина (Зои Кравиц) мен Эл (Кристиан Мэдсен) және білгір Уиллмен (Бен Ллойд-Хьюз) танысады. Батылдықтың жаңа қатысушылары белгілі бір тесттерден өтеді: бар жылдамдықта жүйткіп келе жатқан пойыздан секіру және биік ғимараттан алып саңылауға қарғу нанымын орындау. Сынақтар барысында жаңа қатысушылар Батылдықтың жас әрі қатыгез Эрик (Джай Кортни) есімді көшбасшысын және Фор (Тео Джеймс) есімді жаттықтырушыны жолықтырады. Беатрис ең бірінші ерікті боп алып саңылауға секіреді. Секіруден кейін Фор одан есімін сұрайды. Сол кезде ол қысқартып, өзін "Трис" деп таныстырады.

Трис басынан бастап Батылдық жаттығуларында тартысып барын салады, бірақ жетістіктер өте баяу болады. Өзінің жауы Питермен (Майлз Теллер) төбелеске еріксіз шығарылғаннан кейін және жарақат алып, емделуге жатқызылғаннан кейін Трис Батылдықтан шығып кете жаздайды. Алайда, келесі турдағы қарсылас туын тауып алу ойынында шешуші рөл атқарып, өзін ақтап алады.

Батылдықтағы дене жаттығулары кезеңінен кейін қатысушылар өз үрейлерімен кезігу үшін оларға симулятор құрылғылары қондырылады. Тристің бойындағы дивергенттік (ауытқушылық қасиеті) оған бұл сынақтардан жылдам әрі мүдірмей өтуге мүмкіндік береді. Бірақ, Тристі ұнатып қалған Фор оған бұл жетістігін жасыруын, сынақтан шынайы Батылдық мүшесі қалай өтсе, сол жолмен шешуі керектігін ескертеді.

Келесі күні Трис Білгірлікке өз бауырын көруге барады. Оның айтуынша, Білгірлер Бас тартуды тақтан тайдырып, билікті ұстайтын фракция болмақ. Батылдық кеңсесіне қайта оралған кезде Триске кенеттен шабуыл жасалынады. Олар Тристің жаттығудағы жетістіктері көре алмай құзға лақтырмақшы болған Питер, Эл және Дрю еді. Бұл шабуылдан оны Фор құтқарып қалады. Келесі күні Эл Тристен кешірім сұрап келеді, бірақ Трис кешірімін бермейді және Элды қорқақ деп атайды. Кейін Элдың құздан құлап, өз-өзіне қол жұмсағанын біліп, шошынады. Ақтық сынаққа дайындау үшін Фор Тристі өзінің үрей симуляциясына кіргізеді. Мұнда Трис Фордың шын аты Тобиас екенін және оның Бас тарту мен биліктің басшысы Маркус Итонның ұлы екенін біледі. Сынақ күні Трис өзінің дивергент екенін білдіртпей, бәрін ойдағыдай тапсырады. Тесттен кейін Батылдардың барлығына бақылау құрылғысы ретінде қан сарысуы егіледі.

Ертеңіне Трис Білгірлердің Батылдарды Бас тартуға еріксіз қарсы әрекеттер жасауы үшін миды басқаратын сарысу еккенін түсіне бастайды. Дивергенттерге бұл екпенің әсері болмайды және Трис пен Фор бірге жүреді. Бас тартудың жерінде Эрик Фордың санасы бақылауда емес екенін байқап қалады да, Трис пен Форды бөліп тастайды. Тристы анасы Натали (Эшли Джадд) келіп құтқарып қалады, бірақ сол кезде өзі қаза табады. Білгірлердің жоспарына тосқауыл болу үшін Трис, әкесі, бауыры және Маркус Батылдықтың бас кеңсесіне кіріп барады. Питердің ақылы орнында екенін көріп, Трис оны мәжбүрлеп Білгірліктің зертханасына апартқызады. Атыс кезінде Тристің әкесі өзін құрбан қылады. Трис ішке жалғыз өзі кіріп, Форды тауып алады. Бірақ, ол кезде Фордың да өз миы бақылауда еді. Төбелестен кейін Трис оның адамды бетіне қарап ата алмайтынын біліп, сезімін оятады. Білгірліктің төрайымы Джанин (Кейт Уинслет) Батылдықтың бәрін Бас тарту фракциясын толығымен өлтіру командасын іске асырайын деп жатқанда Трис оның алақанына пышақ қадап, тоқтатады. Сосын оған сарысу екпесін егіп, команданы тоқтатуын және программаны жоюын бұлжытпай орындатады. Трис, Калеб, Питер, Фор және Маркус пойызға мініп, ең соңғы аялдамаға дейін Батылдықты тастап кете барады.

Рөлдерде

Актер	Рөлі
Шейлин Вудли	Беатрис «Трис» Прайр
Тео Джеймс	Тобиас «Төрт» («Фор») Итон
Энсел Эльгорт	Калеб Прайр
Рэй Стивенсон	Маркус Итон
Кейт Уинслет	Джанин Мэттьюс
Зои Кравиц	Кристина
Мэгги Кью	Тори
Мекай Файфер	Макс
Джай Кортни	Эрик
Майлз Теллер	Питер
Бен Лэмб	Эдвард
Бен Ллойд-Хьюз	Уилл
Кристиан Мэдсен	Эл
Тони Голдуин	Эндрю Прайр
Эшли Джадд	Натали Прайр
Эми Ньюболд	Молли Этвуд

Сілтемелер

• Дивергент - kinostan.kz сайтында Мұрағатталған 16 сәуірдің 2014 жылы.
• Ресми сайты
• Дивергент (фильм) (ағыл.) Internet Movie Database сайтында