Дәмқосар

Дәмқосар (Приправа) — тамақтың дәмін келтіру үшін, оған хош иіс беру үшін қосылатын заттар. Татымдық заттар ұғымына сәйкес, Дәмқосар екі үлкен топқа: табиғи (біртектес) және күрделі (жасанды, аралас) болып бөлінеді. Дәмқосардың негізгі міндеті — тағамға немесе өнімге белгілі бір дәм татым қосу. Табиғи дәмқосарға нақты, жағымды қышқылтым дәмді, түрлі тағаммен жақсы үйлесетін — қаймақ, алша мен ткемали қоймалжыңды, томат пастасы, алма мен алқоры езбесі,ал күрделі дәм қосарға барлық тұздықтар (француз, ағылшын және ұлттық тұздықтар), сондай-ақ халықтар арасында кең таралған күрделі құрамды тұздықтар (қыша, кетчуп, аджика) жатады. Тұз, қант және жүзім шарабы да дәмқосарға саналады, олар нақты дәм береді.