Евгений Владимирович Батов

Евгений Владимирович Батов - 1954 жылы 5 қазанда УКСР Запорожье облысындағы Мелитополь қаласында туған. Орыс. Әкесі - Батов Владимир Григорьевич, марқұм, ракеталық әскери бөлімінің полковнигі, командирі болып қызмет еткен. Анасы - Батова Лидия Константиновна, марқұм, Белоруссия Жазушылар одағында кадрлар бөлімінің бастығы болып жұмыс істеген. Е.В.Батов Кострома химиялық қорғану жоғары командалық әскери училищесінің командалық факультетін бітірген (1979), инженер, КОКП мүшесі (1974-1990). 1973 жылдан - Әзірбайжан КСР Кировабад қаласындағы ӘДӘ әскери бөлімінде қызмет еткен. 1979 жылдан - Қостанай қаласындағы әскери бөлімнің полкінде химиялық қызмет бастығы. 1990 жылдан - Қарағанды қаласындағы әскери бөлімнің дивизиясында химиялық қызметтің бастығы. 1994 жылдан - Қостанай қаласындағы әскери бөлімде штаб бастығы. 1995 жылдан - Қостанай облысындағы АҚ штабының бастығы. 1996 жылдан - Қостанай облысындағы Төтенше жағдайлар басқармасы бастығының орынбасары. 1998 жылдан - Қостанай облысындағы Төтенше жағдайлар басқармасының бастығы.

Евгений Владимирович Батов
Дүниеге келгені:	1954 қазан Запорожье облысындағы Мелитополь қаласы
Мансабы:	ҚР ТЖМ Қостанай облысындағы Төтенше жағдайлар жөніндегі департаментінің бастығы

2005 жылдан бері - ҚР ТЖМ Қостанай облысындағы Төтенше жағдайлар жөніндегі департаментінің бастығы. «ҚР ТЖМ еңбек сіңірген қызметкері» белгісімен (2004), 3-ші (1983) және 2-ші (1988) дәрежелі «КСРО ҚК еңбек сіңірген жылдары үшін», 3-ші дәрежелі «ҚР ҚК еңбек сіңірген жылдары үшін» (2001), «КСРО Қарулы Күштеріне 60 жыл» (1978), КСРО Қарулы Күштеріне 70 жыл» (1988), «ҚР Қарулы Күштеріне 10 жыл» (2001), «1941-1945 жж. Ұлы Отан соғысындағы Жеңіске 50 жыл» 1995) медальдарымен марапатталған. ҚР Президентінің Алғыс хатын алған (2001). Әскери атағы - полковник. Діни көзқарасы - христианин. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Көпұлтты халқы бар жоғары дамыған ел». Хоббиі - балық аулау. Сүйіп оқитын әдебиеті - тарихи романдар.