Ерке Есмахан

қазақстандық әнші

Ерке Есмахан (30 қарашада 1984 жылы Ақтөбе облысында дүниеге келген) — қазақ эстрадасының танымал әншісі, актриса.

Ерке Есмахан
Ерке Әбдірашқызы Есмахан
Сурет
Негізгі ақпарат
Туған күні

30 қараша 1984

Белсенділік жылдары

2009 жылдан бастап

Мамандықтары

Әнші

Ұжымдары

"Іңкәр" тобы

Әкесі – Әбдіраш – қазақ тілі қоғамдастығының басшысы, анасы Мақпал. Отбасында бес бала: үлкен ағасы – Ерік, әпкелері – Гүлбағда, Венера және ағасы – Бауыржан. Отбасы мүшелері қызметтің ән саласында (шығармашылық, педагогикалық, т.б.) . Әншінің ата-анасы Әбдіраш пен Мақпалдың 18 немересі мен бір шөбересі бар. Оқушы Еркеге ұстаздары да, достары да ерекше назар аударған. Себебі, ол оқып жүріп-ақ, түрлі шығармашылық конкурстарға қатыса жүріп, орындар алып жүрген. Сонымен қатар өз сыныбында лидер болған екен.

Өмірбаяны өңдеу

Әлімұлы тайпасының Төртқара руынан шыққан.

Ерке Есмахан Ақтөбе қаласындағы Алтынсарин атындағы мектепте оқып, бесінші сыныптан кейін музыкалық мектепке ауысқан. Сонда ол домбыра, қобыз, фортепианода ойнауды үйренген. Кішкентай кезінен ән айтып, би билегенді ұнататын. Еркеге ата-атасы да барынша қолдау көрсеткен. Коледжді бітірген кезде, арман қуып Алматыға келеді. 2005 жылы Оңтүстік Астанада Т. Жүргенов атындағы Қазақ Ұлттық Өнер академиясының эстрадалық вокал бөлімінің студенті атанады.

Шығармашылығы өңдеу

2009 жылдан бастап Баян Мақсатқызы басқаратын “Shine Stars Production” проддюсерлік орталығының жаңа жобасы «Іңкәр» тобының әншісі атанады. Оның алғашқы жеке әні мен бейнебаяны "Айша бибі" әні еді. Әнші сазды өлеңдерімен көпшілікті тәнті етті. Төреғали Төреәлімен дуэт құрып, "Алло" әнін орындап шығу арқылы танымалдығы арта түсті. Әншінің жеке орындауында "Айша бибі", "Әйел бақыты", "Еркемін", "Бал сезім" және т.б. өлеңдері бар. Десе де, бұл әндердің барлығын әншінің 2017 жылы орындаған «Қайда?» әні басып озды. Еркенің көптен күткен жұлдызды шағы енді келді десе болғандай. Олай дейтініміз, «Қайданың» бейнебаяны «Youtube» арнасында қазақ әндері арасында бұрын-соңды болмаған рекорд көрсеткішті жинады. Желіге маусым айында жүктелген бейнебаянды 5 айдың ішінде 40 миллионнан астам көрермен тамашалаған. Әлемнің түкпір-түкпіріндегі тыңдармандар қазақша әнге reaction жасап, өздерінің ой-пікірлерін білдіріп жатты. Мұндай танымалдыққа Ерке өзінің табандылығымен жетті. Бұл пікірді әншінің бұрынғы продюсері Баян Мақсатқызы да құптайды. Қыркүйек айында «Қайда?» әні EMA (Еуразиялық музыкалық жүлде) «Ғаламтор таңдауы» аталымында жеңіске жеткен болатын. Ерке гастрольде болғандықтан, ұйымдастырушылар оның жүлдесін Баян Мақсатқызына табыстады.

Бейнебаяндары өңдеу

Жыл Атауы Режиссёрі Сілтеме
2012 Айша бибі
2013 Асыл арман Ескендір Нарымбетов Видео YouTube сайтында
2015 Бал сезім Видео YouTube сайтында
2015 Алло

(Т.Төреалимен бірге)

Видео YouTube сайтында
2017 Қайда? Тимур Дулатов Видео YouTube сайтында
2017 KZ жігіт Видео YouTube сайтында
2018 Аэропорт Ернар Нұрғалиев Видео YouTube сайтында
2018 Неге? Видео YouTube сайтында
2019 1001 күн Тимур Дулатов Видео YouTube сайтында
2021 Кел, кел Тимур Дулатов Видео YouTube сайтында

Фильмдер тізімі өңдеу

2018 — «Махаббат кафесі» — Мақпал[1]

2022 — «Келінжан 4» — Диана, медбике[2]

Дереккөздер өңдеу

  1. Ерке Есмаханның «Махаббат кафесі» фильмі көрерменге жол тартты. khabar.kz
  2. Ерке Есмахан «Келінжан 4» телехикаясында медбике рөлін сомдайды. khabar.kz