Жапырақты ормандар

Солтүстік Америка мен Батыс Еуропада қылқан жапырақты ормандармен қатар жапырақтары түсетін ағаштары бар ормандар да кездеседі. Мұнда жапырақтары түсетін емен, шегіршін, үйеңкі және шамшат өседі. Қазақстанның орман зоналарында жапырақты ормандар кездеседі. Бұлар - жалпақ жапырақты емен, жөке ағашы, үйеңкі, шетен, тағы басқалары. Ұсақ жапырақты ормандарда қайың мен көктерек өседі.

Жапырақтары түсетін ағаштар күзде жапырақтарынан айырылады. Осы арқылы ағаштар көктемге дейін өн бойына суын сақтап, қоршаған ортаға бейімделеді.

Қылқан жапырақты ормандар

Қылқан жапырақтылар қатал климатта өседі. Олар осындай қатал климатқа өздерінің қылқандарының арқасында бейімделген. Ине тәрізді қылқандар суды аз мөлшерде ғана булап шығарады. Сөйтіп, ағаш қатал қыста өз бойында жеткілікті мөлшерде суды сақтап тұрады. Қылқан жапырақтылар - мәңгі жасыл өсімдіктер.