Жексембай Нұрлыбайұлы Саламатов

Жексембай Нұрлыбайұлы Саламатов (06.12.1957 жылы Алматы қаласында туған) – спортшы, Қазақстанның еңбек сіңірген жаттықтырушысы (1991). 1979 жылы Қазақ дене тәрбиесі институтын бітірген. 1981-83 жылдары республикалық «Динамо» қоғамында, 1983-99 жылдары олимпиадалық резервтер дайындайтын училищеде дзюдо күресі бойынша шәкірттер тәрбиеледі. 1999 жылдан республикалық спорт колледжінің аға жаттықтырушысы болып жұмыс істеді. 1995-2000 жылдары Қазақстанның жастар құрама командасындағы, 2000 жылдан ұлттық құрама командасындағы дзюдошыларды жаттықтырды. 2002 жылы оған жоғары дәрежедегі бапкер атағы берілді.