Златко Захович

Златко Захович (словен. Zlátko Záhovič; 1 ақпан 1971 жыл, Марибор, Югославия) — словениялық футболшы, жартылай қорғаушы.

Златко Захович
Жалпы мағлұмат
Туған күні	1 ақпан 1971 (1971-02-01) (53 жас)
Туған жері	Марибор
Азаматтығы	Югославия Словения
Салмағы	181
Позиция	жартылай қорғаушы
Клуб жайлы ақпарат
Клуб	карьерасын аяқтады
Клуб карьерасы 1989—1992 Партизан 22 (3) 1990—1991 →  Пролетер (Зренянин) 25 (0) 1992—1993 Партизан 15 (3) 1993—1996 Витория (Гимарайнш) 79 (13) 1996—1999 Порту 84 (27) 1999—2000 Олимпиакос (Пирей) 14 (7) 2000—2001 Валенсия 20 (3) 2001—2005 Бенфика 80 (14) Ұлттық құрамы 1992—2004 Словения 80 (35)

Карьерасы

Клубтық

"Партизан" клубының түлегі. 1990-91 жылы "Пролетар" клубына жалға берілді де, 1992 жылы клубқа қайта оралды.

1993 жылы "Витория Гимарайнш" клубына ауысты. Үш маусымдай ойнап, "Порту" қатарын толықтырды.

1999 жылы "Олимпиакосқа" ауысқанымен, клуб жетекшілерімен келісімге келе алмай, келісім шарт мерзімі бітуін күтпей клубтан кетіп қалды.

2000 жылы "Валенсия" қатарына қосылды, бұл жолы да клуб бапкері Эктор Купермен кикілжіңге келе берді (кейін бапкерді "алаңға жиі шығармады, сол үшін жанжалдастым" деп еске алды), бірақ маусым соңына дейін клубта қалды. Клуб 2000/01 жылғы маусымда Чемпиондар лигасының финалына шығып, "Бавариямен" ойнады. Матчтан соңғы пенальтилер сериясында Захович өз мүмкіндігін соға алмады, нәтижесінде "Валенсия" ұтылып қалды.

Ұлттық құрама

1992 жылы 7 қарашада тұңғыш рет Словения құрамасы сапында алаңға шықты. 2000 жылы Словения құрамасы Еуропа чемпионатына жолдама алды да, Захович те финалдық турнирге қатысты. Топтық кезеңнің бірінші турында Захович Югославия қақпасына екі гол соқты, бірақ словениялықтар 3:0 есебімен ұтып тұрып жеңісті уысынан шығарып алды. Екінші турда да Испания қақпасына бір гол соқты, бұл жолы Словения 1:2 есебімен ұтылды. Осылайша Захович құраманың төрт голының үшеуін соқты.

Құрама 2002 жылғы әлем чемпионатына да жолдама алды, бірақ бас бапкер Сречко Катанецпен кикілжіңге келген Захович топтық кезеңнің бірінші матчынан соң-ақ еліне қайтып кетті.

Құрамадағы соңғы кездесуін 2004 жылы 28 сәуірде Швейцарияға қарсы жолдастық кездесуде өткізді. Құрама сапында 35 гол соқты, бұл әзірше рекордтық көрсеткіш.

Жетістіктері

Партизан

• Югославия чемпионы: 1992/93

Порту

• Португалия чемпионы: 1996/97, 1997/98, 1998/99
• Португалия кубогы: 1997/98

Олимпиакос (Пирей)

• Грекия чемпионы: 1999/00

Валенсия

• Чемпиондар лигасының финалисі: 2000/01

Бенфика

• Португалия чемпионы: 2004/05
• Португалия кубогы: 2003/04

Сілтемелер

• Ногомания сайтында