Калевипоэг

«Калевипоэг» — эстондардың ұлттық эпосы. Халық арасына ертеден тараған Калевипоэг батыр туралы аңыздар жиынтығы. Алғаш жинаушы Ф.Р.Фельман, жүйеге түсіруші оның шәкірті Ф.Р.Крейцвальд болды. Ол жекелеген аңыз оқиғаларын жалғап, дамытып, эстон халық өлеңдері өлшемімен бір тұтас эпикалық шығармаға айналдырды. Эпос желісі ерте кезже эстон халқын билеген қаһарман батыр Калевипоэгтың халық жауларына қарсы күресіне құрылған. Эпостың соңғы эпизоды елге баса көктеп енген кресшілер жорығын (XIII ғасыр) бейнелейду. Жырда Калевипоэг тағдыры арқылы эстон халқының сан ғасыр бойындағы тәуелсіздік, ерлік күресі бейнеленеді. «Калевипоэг» эстон ұлт әдебиетінің қалыптасуы мен өркендеуіне үлкен ықпал жасады.