Катакхали (малаялише катха – әңгіме, кали – ойын) — үндінің классикалық би мектептерінің бірі. 15-16 ғасырда Үндістанның Оңтүстік-Батысында пайда болды.

Оның төркіні халықтық драмалар мен билерге саяды. Катакхали арқауы би-пантомимаңа құрылады. Катакхали ойыны кезінде ежелгі үндінің эпикалық поэмалары желісіне құрылған сценалар көрсетіліп, ол әнмен сүйемелденеді. Ашық алаң, айлы түнде өткізілетін бұл думан таң атқанша созылады. 18 ғасырда Катакхали жоғары сатыда дамыған өнер түріне айналды. Осы жанрға арнайы пьесалар жазылды. 20 ғасырдың 40-50 жылдары катакхали ойынына ббіршама өзгерістер енді (ойын арнай салынған сахналық алаңда өткізілді, әрі ойын мерзімі қысқарды).

Катакхали билеушісі

Қазіргі катакхали үнді театрының дәстүрін бойына сіңіре отырып, халық мәдениетін шетелдерде нәсихаттайтын белді коллективке айналды (1960 жылы «Дарпана» коллективі КСРО-да өнер көрсетті). Катакхалидың белгілі орындаушылары — Кунджу Куруп, Гопинатх т.б.

[1]

Дереккөздер өңдеу

  1. Қазақ Совет Энциклопедиясы:Алматы, 1974. 5 том.