Кербабаев Берді Мұрадұлы

Кербабаев Берді Мұрадұлы (1894-1974) – тұрікменнің көрнекті жазушысы, ақын. Түрікменстанның халық жазушысы, Түрікменстан ғылым академиясының академигі, Социалистік Еңбек Ері, Түрікменстанның еңбек сіңірген өнер қайраткері.

Қайым Тәнгріқұлы, Берді Кербабай, Жақып Әкім. 1959 жыл.

Оның «Қыз дүниесі», «Әдет құрбаны», «Жаңа өмірге» т. б. өлеңдер, дастандар жинақтары, «Көзергенерін», «Құрбан Дурды», «Ақалтынды аймақтың Айсолтаны» т. б. повестері, «Алып адым», «Небит-Дағ», «Ғайыптан туған» романдары жарық көрген. Кербабаев Абай шығармаларын зер сала оқып, ұлы ақынды жоғары бағалады, оның өлеңдерін адамзат игілігі деп есептеді. «Біз Абайды ұлы ақын және ұлы адам болғаны үшін қанымыз бір, жанымыз бір өз туысымыздай емірене сүйеміз. Оның өлеңдерінің шебер қолдан шыққан шымыр жолдары бүгінде бізбен бірге күреске шығады», - деп жазды («Қазақ әдебиеті», 1971, 26 мамыр). КСРО Мемлекеттік сыйлық (2 рет), Түрікмен КСР-і Мемлекеттік сыйлық лауреаты.

[1]

Дереккөздер өңдеу

  1. Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9