Уикипедия

Кирстен Данст

америкалық, германиялық актриса

Кирстен Кэролайн Данст (ағылш. Kirsten Caroline Dunst, [ˈkɪərstən dʌnst]; 30 сәуір 1982 жыл, Нью-Джерси) — америкалық және германиялық киноактриса, сценарийші, режиссёр, продюсер, модель және әнші.[2]

Кирстен Данст
ағылш. Kirsten Dunst
Сурет
Данст 2016 жылы
Жалпы мағлұмат
Туған кездегі есімі

Кирстен Кэролайн Данст (ағылш. Kirsten Caroline Dunst)

Туған күні

30 сәуір 1982 (1982-04-30) (41 жас)

Туған жері

Пойнт-Плезант, Ошен округі, Нью-Джерси, АҚШ

Азаматтығы

 АҚШ
 Германия[1]

Мамандығы

актриса, сценарийші, режиссёр, кинопродюсер, модель, әнші

Белсенді жылдары

1989–

Марапаттары

«Сатурн» (1995, 2012)

IMDb

ID 0000379

Ол 1994 жылы «Вампирмен сұхбат» фильмінде Клодия рөлін сомдап, он екі жасында көпшілікке танымал болды, ол үшін Сатурн сыйлығын алды, сонымен қатар «Алтын глобус» сыйлығына ұсынылды.

Жастық шағы және білімі өңдеу

Кирстен Кэролайн Данст 1982 жылғы 30 сәуірде, Пойнт-Плезант, Нью-Джерсиде, Инез Кэролин Руппрехт және Клаус Герман Данст отбасында дүниеге келген. Інісі Кристиан Эдуард 1986 жылы туған. Әкесі медициналық компанияда қызмет етсе, анасы Lufthansa әуетасымалдаушы компаниясында стюардесса жұмыс істеді,[3][4] кейін суретші, жеке галереясының иесі болды.[5] Клаус Герман Данст — гамбургтық неміс (Данст — немістің Дунст тегінің ағылшыншаға бейімделген нұсқасы), Инез Кэролин Руппрехт Нью-Джерсиден, швед және немістердің ұрпағы.[6][7] 2011 жылы Германия азаматтығын алды,[1] неміс тілін меңгерген.

11 жасына дейін Кирстен Данст Брик Тауншипта тұрып, ол жердегі Рәнней Мектебінің оқушысы болды.[8] 1993 жылы ата-аналары айырылысты, Данст пен інісі анасымен бірге Лос-Анджелеске көшті. Данст Солтүстік Голливудтағы «Лорел-Холл» мектебінде, кейін Лос-Анджелестегі «Нотр-Дам» католиктік жеке меншік мектебінде оқитын болды. 1995 жылы Инез ажырасуға ұсыныс жасады.[5]

2000 жылы мектеп бітіргеннен кейін Данст өзінің актрисалық мансабын әрі қарай жалғастыра берді.

Мансабы өңдеу

Өз актрисалық мансабын Кирстен Данст 3 жасында, жарнамадағы модель ретінде бастады, оның «Ford Models» және «Elite Model Management» сияқты компаниялармен келісім-шарттары болды.[5]

Данст 6 жаста болғанда кинодағы дебюті жарыққа шықты: Вуди Алленнің қысқа фильмінде ол кішігірім рөл сомдады. 1990 жылы ол Менменшілдіктің алауы (The Bonfire of the Vanities) фильмінде Том Хэнкс қызының рөлін сомдады.[5] 1993 жылы Данст Жұлдызды жол: Келесі буын (Star Trek: The Next Generation) сериалында Хедрил рөлін сомдады.

Дансттың тұңғыш жетістігін көбіне «Вампирмен сұхбат» (1994) фильміндегі Лестат (Том Круз) пен Луи (Брэд Питт) кейіпкерлерінің асыранды қызы, бала вампир Клодияның рөлі деп санайды.[9] Дансттың тұңғыш экрандық сүйісі осы фильмде болды: ол өзінен 18 жасқа үлкен Брэд Питтпен бірге болған.[10] Interviewге берген сұхбатында Данст түсірілім кезінде 10 жаста болғанын және сүйісті түсіру ол үшін ыңғайсыз болғанын айтқан.[11] Рөлі үшін MTV Movie & TV Awards, «Сатурн» (үздік жас актер/актриса) премияларына және Алтын глобус премиясына және «Кинофильмдегі бастыдан өзге үздік әйел рөлі» номинацияларына ие болды.[12][13]

 
59-Канн кинофестиваліндегі Кирстен Данст, 2006

Сол жылы, оған қоса, Данст Вайнона Райдер мен Клэр Дэйнспен бірге «Кішкентай әйелдер» (1994) фильмінде рөл сомдады.[5] «The New York Times» сыншысы Джанет Маслин фильмді романның үздік экранизациясы деп атады да, Кирстен Дансттың екі фильмдегі актрисалығын мақтады.[14]

1995 жылы ол «Джуманджи» фильмінде болды. Данстпен қатар фильмде Робин Уильямс және Бонни Хант сияқты актерлер түрлі рөл сомдады. Фильм дүние жүзінде 262 миллион доллар жинады.[15] 2002 жылы Данст Peopleдың «50 ең әдемі адам» тізіміне енді.[5]

Сол жылы Данст Сэм Рэйминің Өрмекші-адам суперқаһармандық фильмінде Питер Паркердің жары Мэри Джейн Уотсон рөлін сомдады. Бұл оның мансабындағы ең сәтті рөлі болды, Los Angeles Times сыншысы Кеннет Тарен «Данст пен Магуайр экранда нағыз махаббатты өте жақсы көрсете алды» деп екі актердің жұмысын мақтады.[16] Фильм нәтижесінде дүние жүзі бойынша 825 миллион доллар жинады.[17] 2004 жылы Данст Өрмекші-адам 2 фильмінде Мэри Джейн рөліне «оралды». Бұл фильм де өте сәтті болып шықты, нәтижесінде 114 миллион доллар жинады.[15]

Данст, оған қоса, француз патшайымы Мария-Антуанетта жайлы аттас биографиялық фильмде (2006) басты рөл сомдады. Фильмнің тұсаукесері 59-Канн кинофестивалінде орын алды.[18] Фильмнің халықаралық түсімі жалпы 60 миллион долларға жетті.[19]

Кирстен Данст 2007 жылы Мэри Джейн Уотсон рөліне «Өрмекші-адам 3» фильмі үшін тағы бір рет оралды. Көпшілік мақтаған алдынғы екі фильмнен айырмашылығы — трилогияның бұл бөлігі жайлы сыншылардың пікірлері әртүрлі болды.[20] Фильм, оған қарамастан 891 миллион доллар жинап, трилогияның және 2008 жылға Кирстен Дансттың фильмографиясының ең табысты фильмі болды.[15] Бастапқыда жасалған келісімшарт бойынша Данст Өрмекші-адамның тек үш фильміне түсуге келісім берген, алайда ол түсірілімге Магуайр мен Рэйми қатысса төртінші фильмге де дайын екенін айтқан.[21] 2012 жылы кейіпкердің экранизациясы ребут алатыны және оның түсіріліміне Магуайр да, Рэйми де, Данст та қатыспайтыны белгілі болды.[22]

2010 жылы Данст қысқа метражды фильмдерде рөл сомдайтын болды: ол 2012 жылы Трайбека кинофестивалінде жарияланған «Бишара» фильмінде болды, фильм кейін 63-Канн кинофестивалінде көрсетілді.

2011 жылы ол Меланхолия фантастикалық фильмінде ақыр заманды күтіп жатқан әйел басты рөлін сомдады, онымен қатар Шарлотта Генсбур, Кифер Сазерленд сияқты актерлер болған, фильм тұсаукесері Канн кинофестивалінде өтті. Сыншылар оны жоғары бағалады, Дансттың актрисалығын мақтады. «Southampton Patchтік» Стивен Леб «Данст басқа фильмдерде аса тырыспайды, бірақ осы фильмде өз рөлін тамаша сомдады..» деген пікір қалдырды.[23] Өз еңбегі үшін Данст бірнеше марапатқа ие болды, соның ішінде Каннда[24] және АҚШ Ұлттық киносыншылар қоғамында[25] «Үздік актриса» марапаттары.

2015 жылы Данст Фарго телехикаясының екінші маусымында түсті, 2016 жылы сол рөлі үшін «Эмми», «Алтын глобус» және «Мини-хикаядағы немесе телефильмдегі үздік әйел рөлі» марапаттарына номинация алды. Сол жылғы мамырда ол 69-Канн кинофестивалінде төрешілердің бірі болды.[26]

2021 жылы Кирстен Данст Джейн Кэмпионның «Төбеттің күші» драма-вестернінде басты әйел рөлін сомдады. Данст бұл фильмде Джесси Племонс пен Бенедикт Камбербэтч сияқты белгілі актерлер қатарында түсті. Сыншылар фильмді аса жоғары бағалады: «IndieWire»,[27] «The Guardian»,[28] «Time»[29] баспалары оны жылдың үздік фильмді деп те атады және Данст IndieWireдың кино- және телешығармалардағы 27 үздік рөлдер тізімінде болды.[30] Фильмдегі рөлі үшін, оған қоса, Данст өзінің тұңғыш Оскар марапатына номинациясын алды.

Музыка өңдеу

 
Торонто кинофестиваліндегі Кирстен Данст, 2012

2001 жылы Данст өзінің музыкалық дебютын «Махаббат вирусы» фильміне арналып жасалған екі ән айтып жасады.[31] Ол сондай-ақ «Голливудтағы өлім» фильмін түсіру үшін ән жазды, ол Генри Кремер мен Тернер Лейтонның «Сен кеткенде» джаз композициясын орындады. Өрмекші-адам 3-те ол өзінің кейіпкері Мэри Джейн Уотсон ретінде екі ән айтқан: бірі Бродвей мюзиклінде, екіншісі джаз клубында даяшы ретінде.[21]

Данст сонымен қатар «Akihabara Majokko Princess» қысқа метражды фильмінде сиқыршы Маджокконың әнін айтқан. Фильм британиялық Тейт Модерн музейінде көрсетілді.[32]

Өзге қызметі өңдеу

Саясат өңдеу

2004 жылғы АҚШ президент сайлауында Демократиялық партияның үміткері Джон Керриді[33] және 2004 жылғы АҚШ президент сайлауында демократ Барак Обаманы[34] қолдады. Сайлау жайлы ол кейін «Неге Сейсенбіде?» деген деректі фильм түсірді, ол жерде АҚШ сайлауларының неліктен сейсенбі күнінде өтетінін түсіндірді.[35]

Қайырымдылық өңдеу

Кирстен Данст Балалардағы АИВ/ЖИТС қарсы Элизабет Глейзер фондын қатты қолдайтын.[36] Ол оған қоса сүт безінің обырына қарсы активизммен айналысты, 2008 жылы өткен Лора Зискиннің «Обырға қарсы тұр» телемарафонына қатысты.[37]

Жеке өмірі өңдеу

Данст Юта штатындағы «Cirque Lodge» орталығында депрессиядан емделді.[38] Кейін ол клиникаға жатардан бұрынғы алты ай бойы ол өзінің өте жабырқаған сезінгенін айтты.[38] Мамыр айының соңында ол өсектерді жоққа шығарып, алкоголь, есірткі тәуелділігінен емес, тек депрессиядан ғана емделгенін айтқан, емделу барысын ашық түсіндірді.[39]

Кирстен Данст — 2011 жылдан бері АҚШ пен Германияның азаматы.[1][40]

2002–2004 жылдары Данст актер Джейк Джилленхолмен бірге болды.[41] 2007 жылы ол Razorlight музыкалық группасының мүшесі Джонни Борреллмен[42] және 2012–2016 жылдары актер Гаррет Хедлундпен[43] бірге болды.

2016 жылы Данст Фарго телехикаясында бірге түскен актер Джесси Племонспен романы болды,[44] 2017 жылғы қаңтарда жұптың неке қиғаны белгілі болды.[45] Олардың екі ұлы — Эннис Һауырд Племонс (3 мамыр 2018 жылы туған)[46][47] және Джеймс Роберт Племонс (мамыр 2021 жылы туған)[48][49].

Фильмографиясы өңдеу

Дереккөздер өңдеу

  1. ↑ a b c Deutsche Staatsbürgerschaft: Willkommen, Frau Dunst!  (нем.), Spiegel Online (Үлгі:TranslateDate/de). Тексерілді 30 қыркүйектің 2011.
  2. ↑ Elley, Derek (тамыз 5, 2001). "The Cat's Meow Review". Variety. Retrieved желтоқсан 9, 2008
  3. ↑ "Elizabethtown" Interview: Kirsten Dunst  (ағыл.). Голливуд (31 December 2014). Мұрағат көшірмесі Wayback Machine мұрағатында
  4. ↑ America's sweetheart Kirsten Dunst bares her teeth  (ағыл.). The Herald (19 September 2011). Мұрағат көшірмесі Wayback Machine мұрағатында
  5. ↑ a b c d e f Kirsten Dunst Biography  (ағыл.). People (19 September 2011). Мұрағат көшірмесі Wayback Machine мұрағатында
  6. ↑ Drop-dead successful  (ағыл.). The Daily Telegraph (3 September 2001). Тексерілді, 22 желтоқсан 2023. Мұрағат көшірмесі Wayback Machine мұрағатында
  7. ↑ From Dalbo to Hollywood  (ағыл.). Archives.ecmpublishers.info (14 June 2007). Мұрағат көшірмесі Wayback Machine мұрағатында
  8. ↑ The Jersey Shore's Starlet  (ағыл.). Absury Park Press (4 May 2007). Мұрағат көшірмесі Wayback Machine мұрағатында
  9. ↑ Travers, Peter Interview with Vampire  (ағыл.). Rolling Stone (11 November 1994). Мұрағат көшірмесі Wayback Machine мұрағатында
  10. ↑ Gleiberman, Owen Interview With the Vampire: The Vampire Chronicles review  (ағыл.). Entertainment Weekly (18 November 1994). Мұрағат көшірмесі Wayback Machine мұрағатында
  11. ↑ Kiss and tell from Kirsten Dunst  (ағыл.). The Age (29 September 2002). Мұрағат көшірмесі Wayback Machine мұрағатында
  12. ↑ Past Saturn Awards  (ағыл.). Сатурн марапатының ресми сайты. Мұрағат көшірмесі Wayback Machine мұрағатында
  13. ↑ HFPA—Awards Search  (ағыл.). Алтын глобустың ресми сайты. Мұрағат көшірмесі Wayback Machine мұрағатында
  14. ↑ Маслин, Джанет Little Women Review  (ағыл.). The New York Times (21 December 1994). Мұрағат көшірмесі Wayback Machine мұрағатында
  15. ↑ a b c Kirsten Dunst Movie Box Office Results  (ағыл.). Box Office Mojo. Мұрағат көшірмесі Wayback Machine мұрағатында
  16. ↑ Taren, Kenneth 'Spider-Man'  (ағыл.). Los Angeles Times. Мұрағат көшірмесі Wayback Machine мұрағатында
  17. ↑ SPIDER-MAN  (ағыл.). Box Office Mojo. Тексерілді, 1 қараша 2023.
  18. ↑ Booth, William Cannes Film Festival  (ағыл.). The Washington Post (26 May 2006). Мұрағат көшірмесі Wayback Machine мұрағатында
  19. ↑ Marie Antoinette (2006)  (ағыл.). Box Office Mojo. Тексерілді, 1 қараша 2023.
  20. ↑ Spider-Man 3 (2007): Reviews  (ағыл.). Metacritic (4 May 2007). Мұрағат көшірмесі Wayback Machine мұрағатында
  21. ↑ a b Carroll, Larry Kirsten Dunst On Singing, Spidey's Future, 'Idol'—And Having Eight Kids?  (ағыл.). MTV News (24 April 2007). Мұрағат көшірмесі Wayback Machine мұрағатында
  22. ↑ Singh, Anita Spider-Man 4 scrapped and Tobey Maguire replaced in superhero franchise  (ағыл.). The Daily Telegraph (12 January 2010). Мұрағат көшірмесі Wayback Machine мұрағатында
  23. ↑ Loebb, Steven Review: 'Melancholia' One of 2011's Best Films  (ағыл.). Southampton Patch (15 November 2011). Мұрағат көшірмесі Wayback Machine мұрағатында
  24. ↑ Kilde, Gregg «Best Actress Kirsten Dunst Thanks Cannes for Allowing Lars von Trier’s 'Melancholia' 'To Still Be in Competition'»  (ағыл.). The Hollywood Reporter (27 June 2015). Мұрағат көшірмесі Wayback Machine мұрағатында
  25. ↑ US critics reward Lars Von Trier film Melancholia  (ағыл.). BBC (8 January 2012). Мұрағат көшірмесі Wayback Machine мұрағатында
  26. ↑ Richford, Rhonda Cannes Film Festival Unveils Full Jury  (ағыл.). The Hollywood Reporter (25 April 2016). Мұрағат көшірмесі Wayback Machine мұрағатында
  27. ↑ The 50 хBest Movies of 2021, According to 187 Film Critics | IndieWire. IndieWire. Мұрағат көшірмесі Wayback Machine мұрағатында
  28. ↑ Best films of 2021 | Film | The Guardian. The Guardian. Мұрағат көшірмесі Wayback Machine мұрағатында
  29. ↑ The 10 Best Movies of 2021 | Time. Time. Мұрағат көшірмесі Wayback Machine мұрағатында
  30. ↑ Lattanzio, Ryan және Lopez, Kristen The 27 Best Film and TV Performances of 2021. IndieWire. Мұрағат көшірмесі Wayback Machine мұрағатында
  31. ↑ Moss, Corey Kirsten Dunst Makes Singing Debut on Soundtrack  (ағыл.) (30 October 2001).
  32. ↑ Viral Video Chart: Kirsten Dunst turns Japanese and a pigeon takes the train  (ағыл.). The Guardian (25 February 2010). Мұрағат көшірмесі Wayback Machine мұрағатында
  33. ↑ Moss, Corey Celebs Go To The Post Office To Deliver Pro-Vote Message  (ағыл.). MTV (3 March 2004). Мұрағат көшірмесі Wayback Machine мұрағатында
  34. ↑ Browne, Sally және James Watford Kirsten Dunst back in action after stint in rehab  (ағыл.). The Courier-Mail (11 October 2008). Мұрағат көшірмесі Wayback Machine мұрағатында
  35. ↑ Hartman, Darrell Kirsten Dunst Explains Why We Vote on Tuesdays  (ағыл.). Intelligencer (24 July 2008). Тексерілді, 22 желтоқсан 2023.
  36. ↑ Falcon, Mike Women of Hollywood have love affair with giving  (ағыл.). USA Today (21 February 2002). Мұрағат көшірмесі Wayback Machine мұрағатында
  37. ↑ Blas, Lorena These 'Stand Up' celebs get set to help  (ағыл.). USA Today (9 March 2008). Мұрағат көшірмесі Wayback Machine мұрағатында
  38. ↑ a b Kirsten Dunst enters Rehab  (ағыл.). People (7 February 2008). Мұрағат көшірмесі Wayback Machine мұрағатында
  39. ↑ Dunst says rehab was for depression  (ағыл.). Reuters (28 May 2008). Мұрағат көшірмесі Wayback Machine мұрағатында
  40. ↑ Everett, Cristina Kirsten Dunst obtains German citizenship: 'I'm now a real international lady'  (ағыл.). Daily News (10 October 2011). Мұрағат көшірмесі Wayback Machine мұрағатында
  41. ↑ Thomas, Karen Gyllenhaal, Dunst call it quits; Diaz, Timberlake still on  (ағыл.). USA Today (20 July 2004). Мұрағат көшірмесі Wayback Machine мұрағатында
  42. ↑ Kirsten Dunst and Johnny Borrell split  (ағыл.). China Daily (10 September 2007). Тексерілді, 22 желтоқсан 2023. Мұрағат көшірмесі Wayback Machine мұрағатында
  43. ↑ Johnson, Zach Garrett Hedlund Reveals How He Began Dating Kirsten Dunst  (ағыл.). Us Weekly (8 January 2013). Тексерілді, 22 желтоқсан 2023. Мұрағат көшірмесі Wayback Machine мұрағатында
  44. ↑ French, Megan Kirsten Dunst Kisses 'Fargo' Costar Jesse Plemons After Split From Garrett Hedlund  (ағыл.). Us Weekly (1 June 2016). Мұрағат көшірмесі Wayback Machine мұрағатында
  45. ↑ Webber, Stephanie 'Fargo' Costars Kirsten Dunst, Jesse Plemons Are Engaged  (ағыл.). Us Weekly (12 January 2017). Мұрағат көшірмесі Wayback Machine мұрағатында
  46. ↑ Webber, Stephanie Kirsten Dunst and Jesse Plemons Welcome Their First Child – a Baby Boy  (ағыл.). People (18 May 2018). Мұрағат көшірмесі Wayback Machine мұрағатында
  47. ↑ Mizoguchi, Karen Baby Name Revealed! Kirsten Dunst and Jesse Plemons Name Newborn Son Ennis Howard  (ағыл.). People (11 May 2018). Мұрағат көшірмесі Wayback Machine мұрағатында
  48. ↑ Cardoza, Riley Kirsten Dunst and Jesse Plemons Secretly Welcome 2nd Baby  (ағыл.). Us Weekly (23 July 2021). Мұрағат көшірмесі Wayback Machine мұрағатында
  49. ↑ Slater, Georgia Kirsten Dunst Announces Birth of Second Child with Jesse Plemons, a Baby Boy: 'He's an Angel'  (ағыл.). People (10 September 2021). Тексерілді, 22 желтоқсан 2023. Мұрағат көшірмесі Wayback Machine мұрағатында
«https://kk.wikipedia.org/w/index.php?title=Кирстен_Данст&oldid=3269100» бетінен алынған