Кәкетай Қымызбаев

Кәкетай Қымызбаев (1919 — 23.07.1944) – Екінші дүниежүзілік соғысқа қатысушы, атты әскер.

Кәкетай Қымызбаев
Туған күні	1919 (1919)
Туған жері	Шығыс Қазақстан облысы Зайсан ауданы, Жарсу ауылы
Қайтыс болған күні	23 шілде 1944 (1944-07-23)
Қайтыс болған жері	Беларусь
Азаматтығы	КСРО
Қызметі	Екінші дүниежүзілік соғысқа қатысушы, атты әскер.
Марапаттары мен сыйлықтары	2 мәрте «Қызыл Жұлдыз» ордені 2 дәрежелі «Отан соғысы» «Қызыл Ту» ордені

Әбзәли Егізбаевтың арнау өлеңі (арбша жазбадан аударылған).

Өмірбаяны

1919 жылы Шығыс Қазақстан облысы Зайсан ауданы, Жарсу ауылында дүниеге келген. 1939 жылы әскер қатарына шақырылып, Украинаның Львов маңындағы Қызыл тулы Ленин орденді Каменка-Гугская қаласындағы Котовский атындағы атты әскер дивизиясында азаматтық борышын өтейді. Алғырлығымен көзге түскен жауынгер кіші командирлер дайындайтын мектепке жіберіліп, бөлімше командирі болады. 1941 жылдың 22 маусымында таңғы сағат 4:30-да соғыстың басталған алғашқы сағатынан шекара қорғауға неміс басқыншыларына қарсы, кейіннен Харьков, Сталинград майдандарындағы ұрыстарға қатысып, асқан ерлік көрсетеді.

Марапттары

Көрсеткен ерліктері үшін 2 мәрте «Қызыл Жұлдыз» орденімен, 2 дәрежелі «Отан соғысы», «Қызыл Ту» ордендерімен марапатталған. Кәкетай Қымызбаевтың ерліктері туралы «Гродьянская правда» Беларусь газеттерінде қазақ елінің батыры туралы мақала, 1944 жылы «Суворов» газетінде «Қыр қыраны» деген толғаулары басылып жарияланған. Қызылорда облысының тумасы, жауынгер ақын Әбзәли Егізбаевта 1944 жылы 12 сәуірде "Орден омыраудағы құтты болсын" деп Кәкетай Қымызбаевты алған ордендерімен құттықтап өлең жазған екен (Орталық ғылыми кітапхана қорының мұрағатынан алынды). Кәкетай Қымызбаев 23 шілде 1944 жылы Неман өзені жағасындағы ұрыста ерлікпен қаза табады. Беларусь жерінде Сапоцкино ауданында бауырластар қабіріне жерленген.