Либретто

Либретто (италиялық Ііbretto, сөзбе-сөз кітапша), музыкалық-драмалық шығармалардың (опера, оперетта, кантата, оратория) сөз мәтіні немесе қысқаша мазмұны. Балеттің, пантомиманың да әдеби сценарийі Либретто деп аталады. Либретто атауы көрермендерге арнайы таратылатын опера мәтіні жазылған кішкене кітапшаларға орай шыққан. Либретто операның әдеби-драмалық негізі болып табылады. Оның сюжеттері халықтың ән-жырынан, аңыздардан, мифологиядан, көркем әдебиет туындыларынан алынып, драматургияның жалпы заңдылықтарына, музыкалық композиция шарттарына сәйкес жазылады. Жазушы мен композитордың бірлескен шығармашылық жұмысы Либреттоның сапалы болуының шарты. Қазақ музыка өнерінде М.Әуезов (“Абай” операсы, “Қалқаман — Мамыр” балеті), Ғ.Мүсірепов (“Біржан сал” операсы) Либреттоның озық үлгілерін жасады.