Малефисента (фильм, 2014)

«Малефисента» (ағылш. Maleficent) — 2014 жылғы америкалық фэнтези жанрындағы көркем фильм. Сценарий авторы Линда Вурвертон мен режиссері Роберт Стромберг. Басты рөлдерді Анджелина Джоли, Эль Фэннинг және Шарлто Копли ойнаған. Малефисента алғаш үлкен экранға 1959 жылы шыққан «Ұйқыдағы ару» фильмінің ремейкі болып табылады және мұндағы оқиға зұлым сиқыршы Малефисентаның көзқарасымен көрсетіледі, рөлін әлгі американдық актриса Анджелина Джоли сомдайтын. Сонымен қатар фильмге Эль Фэннинг, Шарлто Копли, Джуно Темпл, Сэм Райли және т.б. актерлер қатысқан. Фильмнің АҚШ-тық премьера күні 2014 жылдың 30 мамырында өтті. Қазақстанда фильм бір күн бұрын 2014 жылдың 29 мамырында 2D және 3D форматында шықты. 27 мамыр күні Астанада алдын-ала көрсетілімі өтті. Қазақ тіліне аударылған Walt Disney студиясының 5-ші фильмі. Фильм 2014 жылдың 23 қыркүйегі күні DVD, Blu-ray - ге шықты.

Малефисента
Maleficent
Жанры

фэнтези
мелодрама
шытырман
отбасылық фильм
атыс-шабыс фильм

Режиссёрі

Роберт Стромберг

Продюсері

Джо Рот
Дон Хан
Сара Брэдшоу
Палак Пател
Анджелина Джоли

Сценарийдің авторы

Линда Вулвертон
Пол Дини

Басты рөлдерде

Анджелина Джоли
Эль Фэннинг
Шарлто Копли
Джуно Темпл
Сэм Райли
Имельда Стонтон

Операторы

Дин Семлер

Композиторы

Джеймс Ньютон Ховард

Кинокомпания

Walt Disney Pictures

Ұзақтығы

97 минут

Бюджеті

180 млн $

Кассалық түсімі

747 585 000 $

Мемлекет

 АҚШ

Тілі

ағылшынша

Шыққан жылы

2014

IMDb

ID 1587310

https://movies.disney.com/maleficent

Сюжеті өңдеу

Жас сиқыршы Малефисента ертегі әлемінің жануарлары тұратын ғажайып орманда өмір сүріп жатты. Бірақ бір күні бәрі өзгерді... Орманға Стефан атты жас бала келіп, жас сиқыршымен танысады. Олар кейде кездесетін болып шешеді де, тек көп жылдардан соң ғана бір-біріне деген махаббаттарын мойындайды. Есейген Малефисента сиқырлы орманның қорғаушысы болады, ал бұл уақытта адамдар патшалығының патшасы өзінің әскерімен орманды жаулап алмақ болады. Бірақ жеңіліске ұшырап, өзі қатты жараланады. Егер кімде-кім Малефисентаны өлтірсе, соны билікке мұрагері қылатынын жариялайды. Мұны пайдаланбақшы болған Стефан, келесі кездесуде Малефисентаны ұйықтатып қойып, қанатын кесіп әкетіп, сиқыршыны өлтіргенін хабарлайды. Стефан таққа отырады да, соңынан үйленіп, қызы дүниеге келеді. Бұл уақытта Малефисентаның жанын зұлымдық кернейді, Ол адамдармен қарсы күресе жүріп, патшаның жаңа туған қызына қорқынышты дуа салып қояды. Егер де саусағы ұршыққа шаншылса, сұлу Аврора 16 жасқа толған күні мәңгілік ұйқыға кететін болады. Ашуға толған патша сарайдағы барлық ұршықтарды жағуға бұйрық береді. Ал Аврораны орманға үш перілердің тәрбиесіне жібереді. Алайда әлгі перілер жақсы тәрбиешілер болып шықпай, кейде Аврораны елемей қалдырып қоя береді. Сол уақытта Малефисента кішкентай Аврораны жек көруіне қарамастан, оны сыртынан аңдып, қамтамасыз етіп, оны қауіп-қатерден қорғап жүрді. Аврораның өте ақ көңіл және шыншыл қыз болып өсіп келуі, Малефисентаның оған деген қөзқарасын өзгерте бастайды. Уақыт келе Малефисента да өз ісінің дұрыстығына күмәндана бастайды. Себебі, мүмкін, тек Аврора ғана сиқырлы орман әлеміне жаңа өмір сыйлайтын шығар.

Басты рөлдерде өңдеу

Актёр Рөл
Анджелина Джоли Малефисента
Эль Фэннинг Аврора
Шарлто Копли Стефан патша
Имельда Стонтон Нотграсс
Лесли Мэнвилл Флитл
Джуно Темпл Фислвит
Сэм Райли Диаваль
Брентон Туэйтес Филипп
Ханна Нью Лейла
Кеннет Крэнхэм Генри патша

Қазақша дубляж өңдеу

  • Гүлназ Әуесбаева — Малефисента
  • Гүлнара Құрманбекова — Аврора ханшайым
  • Азамат Қанапия — Стефан патша
  • Тынышгүл Сұлтанбердиева — Нотграсс
  • Әйгерім Байбергенова — Флитл
  • Күнсұлу Шаяхметова — Фислвит
  • Тимур Пиязов — Диаваль
  • Галым Оспанов — Филипп
  • Бауыржан Қаптағай — Генри патша
  • Әйгерім Кариева — кішкене Малефисента
  • Самат Андреев — кішкене Стефан
  • Дубляж режиссері — Айжан Жамшитова
  • Аудармашы — Диана Сабазова
  • Мәтінді үйлестірушілер — Тұрысбек Сәукетаев, Назым Абликасымова
  • Жоба менеджерлері — Илья Бисеров
  • Шығармашылық кеңесші — Сергей Пасов
  • Дыбыс режиссерлері — Андрей Резинкин, Елена Кударова, Азамат Конопья
  • Дубляж студиясы — «Cinema Tone Production»
  • Сәйкестендіру студиясы — «Shepperton International»
  • Қазақша нұсқасын шығарған — Disney Character Voices International, Inc.

Басқа рөлдерде өңдеу

  • Самат Қордабай
  • Серікбол Қиялов
  • Ержан Жарылқасынов
  • Жасұлан Симонов
  • Файза Имантаева
  • Санжар Етекбаев
  • Нұрлан Куандыков

Түсірілімі өңдеу

Түсіру жұмыстары өңдеу

Малефисента фильмінің түсірілімдері 2012 жылғы 18 маусымда Бакингемширде басталды,

Фильмнің кейіпкерлері үшін 2000-нан астам костюм тігілген, түсіру алаңын салумен 20 суретші және 250 құрылысшы 14 апта бойы жұмыс жасаған.

Кассалық түсімі өңдеу

2014 жылдың 22 тамызына қарағанда «Малефисента» Солтүстік Америкалық көрсетілімде 236 781 750 доллар жинады. Қалған елдерде 509 000 000 доллар. Қазіргі уақытта фильмнің әлемдік жинағы 747 585 000 доллар.

Дубляждау жұмыстары өңдеу

Дубляждың режиссері Айжан Жамшитова, ол «Көліктер 2» және «Монстрлар университеті» фильмдерін қазақшаға бейімдеуде көп жұмыс жасады. «Малефисентаның» дубляжына шамамен барлығы 20 шақты актер қатысты. Голливуд аруы және бірінші деңгейдегі жұлдыз Анджелина Джолиді актриса Гүлназ Әуесбаева дыбыстады. Бұған дейін оның дауысын көрермендер «Жалғыз рейнджер» фильмінде тыңдаған болатын. Фильмдегі басты ер адамның рөлін, Стефан корольді, Азамат Қанапия дыбыстады. Азамат қазірдің өзінде голливуд фильмдерін қазақ тіліне дубляж жасаудың нағыз шебері атануда. Ол соңғы төрт жылда қазақ тіліне аударылған жеті фильмнің бәріне де қатысты.

Қазақ тілі ағылшын, француз, неміс, испан, португалия, орыс және басқа тілдермен қатар, «Малефисента» фильмінің кейіпкерлері сөйлеген әлемдегі 19-шы тілге айналды. Басты кейіпкерлерді дыбыстаған актерлер: Гүлназ Әуесбаева (Малефисента), Гүлнара Құрманбекова (ханшайым Аврора), Азамат Қанапия (Патша Стефан) және т.б. Фильмді дыбыстауға 20 кәсіби актер қатысты. Бұл голливудық фильмдердің мемлекеттік тіліне дубляжы бойынша жоба шеңберінде қазақ тіліне аударылған 8-ші фильм болып табылады.

Астанада алдын ала көрсетілім кезінде фильм сюжеті мен арнайы әсерлер залдағы балалардың назарын жаулап алып, көрсетілімге қатысушыларды қуантты. Анджелина Джоли актриса Гүлназ Әуесбаеваның дауысымен сөйледі, ол өз кезегінде алған әсерімен бөлісті: «Мен үшін Анджелина Джоли кейіпкері Малефисентаны дыбыстау – зор жетістік. Дыбыстау актер үшін – бұл жаңа толық құнды рөл секілді. Мен «Болашақ» қауымдастығы және «Нұр Отан» партиясының қолдауымен қазақстандықтардың белгілі голливудтық блогбастерді мемлекеттік тілде көру мүмкіндігіне ие болғанына ризамын».

Мистикалық блокбастер Disney «Малефисента» «Болашақ» қауымдастығымен, MARWIN және демеушілермен ынтымақтастық шеңберінде қазақ тіліне дубляж жасалған сегізінші фильм. «Малефисента» фильмін қазақ тіліне дубляж жасаудың бас демеушісі - «Самұрық-Қазына» ҰӘҚ АҚ.

Қызықты мәліметтер өңдеу

  • Фильмде Малефисентаның (2014) құзғынының аты Диаваль, ал 1959 жылғы мультфильмде Диабло.

Сыртқы сілтемелер өңдеу