Масқарапаз

Масқарапаз (тәжікше масхарабоз - сайқымазақ, масқарапаз) - тәжік халық театрының актері, күлдіргі қу. Масқарапаздар ән-билер мен ертегілерді қызықты етіп орыңдауымен ерекше көзге түседі. Әуесқойлық және кәсіби бағытта дамыған Масқарапаз өнері, негізінен, импровизациялық тапқырлыққа құрылды. Бұл жағынан олар қазақ қуларының өнерімен тамырлас болып келеді. Өздерінін ойын-сауығы арқылы шағын күлкілі, мазмұнды сатиралық көріністер жасайды. 19 ғ-дын аяғы мен 20 ғ-дын басындағы көрнекті Масқарапаздар катарына Хақберді, Холық, Жұма, Туда т.б. бар. 1920 жылдан бастап кәсіби театрдын тууына байланысты олардың саны азайып кетті.