Минералдар алмасуы
Минералдар алмасуы – бейорганикалық заттардың организмге сіңуі, таралуы және физикалық - химиялық құбылыстар мен биохимиялық реакцияларға қатысуы. Минералдар алмасуы нәтижесінде организмдегі физикалық - химиялық тепе-теңдік сақталады, тығыз тіндердің (тканьдердің) құрылуы және ферменттік реакциялар реттеледі. Адамға бір тәулікте қажет химиялық элементтердің мөлшері әр түрлі болады. Бұл адамның жасына, жынысына, қызметіне, тағам құрамына байланысты. Тағамда, суда орта есеппен тәулігіне (мг) 800 – 1500 Са, 1200 – 2000 Р, 2000 – 3000 К, 4000 – 6000 Na және Cl, 500 – 600 Mg, 15 Fe қажет. Кейбір элементтер (мысысалы, K, Na) түгел сіңеді, кейбіреуі (мысысалы, Са, Fe) түгел сіңбейді. Асқазаннан, ішектен иондар қанмен лимфаға сіңеді, кейбір иондар плазманың ерекше белоктарымен қосылып, қан арқылы тарайды. Элементтердің біразы бауырға, т.б. тіндерде жиналады, (мысысалы, сүйекте Ca, Mg, Sr, F көп). Адам мен сүт қоректілерде қажетті мөлшерден артық тұздар ішек (Ca, Fe, Cu, Sr негізінде) және бүйрек арқылы (Na, K, Cl, B, І) сыртқа шығарылады. Организмнің түрлі органдарындағы және сұйықтарындағы иондар мөлшері әр түрлі болады.[1]
Сілтемелер өңдеу
Дереккөздер өңдеу
- ↑ Қазақ энциклопедиясы, 6 том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |