Михаил Иванович Царёв

Михаил Иванович Царев - (1903 жыл 1 желтоқсан — 1943 жыл 4 желтоқсан, Мәскеу, Ресей) - орыс совет актері, режиссер, КСРО халық әртісі (1949), профессор (1962) және Социалистік Еңбек ері (1973).

Михаил Царёв

Өмірбаяны

1919 – 21 жылы Петроградтағы Орыс драма мектебінде (Ю. М. Юрьев класында) оқыды. Оқып жүрген кезінен бастап (1920) Ленинградтың Үлкен драма театрында ойнады. 1923 – 33 жылы Ленинград, Махачкала, Қазан, Симферополь, Мәскеу тағы басқа қалалар театрларында, 1933 – 37 жылы Мейерхольд атындағы театрда қызмет етті. 1937 жылдан Кіші театр труппасында актер, ал 1950 – 63 жылы осы театрдың әртісі әрі директоры болды. Өз шығармашылығымен орыстың актерлік өнеріндегі қаһармандық-романтикалық дәстүрді ілгері дамытты. Ол негізінен мінезі ашық, ой-сезімі мен рухани күші мол жандардың сахналық бейнесін жасады. Чацкий, Фамусов (Грибоедовтың «Ақыл азабында»), Федор Протасов (Л. Толстойдың «Тірі өлігінде»), Глумов (А. Островскийдің «Ұлық болсаң – кішік болында»), Арбенин (Лермонтовтың «Маскарадында»), огнев (Корнейчуктың «Майданында»), Боровский (Лавреневтің «Теңіздегілер үшінінде»), Смит (Симоновтың «Орыс мәселесінде»), Хиггинс (Шоудың «Пигмолионында»), Макбет (Шекспирдің осы аттас трагедиясында), Маттиас Клаузен (Гауптманның «Күн батыр алдындасында»), Бастаушы (Вишневскийдің «Оптимистік трагедиясында»), Шал (Горькийдің осы аттас драмасында) тағы басқа рөлдерді шебер орындаумен актерлік өнер диапазонының кеңдігін көрсетті. Айқын қоғамдық бағыт, көтеріңкі эмоциялық бояу мен сахналық кейіпкерлер сөзінің мәнерлі болуына ден қоюшылық – оның актерлік өнеріне тән қасиет. Киноға түскен.

Шығармалары

• Театр деген не, М., 1960
• Қайталанбас сәттер, М., 1975.

Қолданылған әдебиет

Зубков Ю., Михаил Царев, «Театр», 1961, №11.