Михаил Эдишерович Чиаурели

Михаил Эдишерович Чиаурели(06.02.1894,Тбилиси,-15.05.1974,сонда) - грузин кеңес кинорежиссері, кинодраматург, КСРО халық артисі (1948). 1940 жылдан КПСС мүшесі. Тбилисидің кескіндеме мен мүсін мектебін бітірді. Кинодағы өнернамалық қызметін актер ретінде бастады.

Қойған фильмдері

1928 жылы тұңғыш рет Е.Л.Дзиганмен бірлесіп "Бірінші корнет Стрешнев" фильмін қойды.Бұдан кейін "Саба" (1929) және "Соңғы Маскарад" (1934,сценарийін өзі жазды) фильмін жасады."Арсен" (1937) мен "Георгий Саакадзе" (1942-43,2 сериялы) фильмі грузин халқының тарихына арналды. "Ұлы шапақ" (1938),"Ант"(1946),"Берлиннің құлауы (1950),"Ұмытылмас 1919-жыл"(1952),"Отардың жесірі"(1957),"Бір қыз туралы повесть"(1961) т.б.

Сыйлықтары

КСРО Мемлекет сыйлығының лауреаты (1941,1943,1946,1947,1950). 2 рет Ленин орденімен, басқа 2 орден және медальдармен марапатталған.

Қолданылған әдебиет

• Қазақ Совет энциклопедиясы, 1978 жыл, Алматы,12 том, 135 бет