Монегаскілер

Монегаскілер, Монаколықтар – шағын этнос, Монаконың байырғы тұрғындары. Жалпы саны 6 мыңға жуық (2004). Монегаск диалектісі (француз және италия тілдерінің қоспасы) мен француз тілінде сөйлейді. Діни сенімдері бойынша – католиктер. Монегаскілер шығу тегі жағынан орта ғасырларда князьдік негізін қалаған италиялықтармен (генуялықтармен) ішінара араласқан – француздар (ққала Монако). Монегаскілер негізінен туристерге қызмет көрсету саласында жұмыс істейді. Дәстүрлі мәдениті жағынан оңтүстіктегі француздарға жақын. Монегаскілер мерекелері Монако көшелерінде алау жағушылар мен ұрмалы саз аспаптарында ойнаушылардың шеруі түрінде өтеді.