Олиготрофты көл

Олиготрофты көл (Олиготрофное озеро) — су организмдері үшін қоректік заттары өте аз көл. Сондықтан да, фитопланктонға кедей болады. Түптік шөгінділерінде органикалық заттар болмайды және тотығу үшін оттектің қажеті болмағандықтан көлдін барлық су қабаты оттекке біркелкі қанығады. Суының мөлдірлігі жоғары дәрежеде, көк және жасыл түстес болады. Бұларға көпшілік жағдайда кристалдық таужыныстардың ортасында орналасқан көлдер (Байкал, Телікөл, Ыстықкөл және т.б.) жатады. Терендігі (30—70 м-ден 1 км-ге дейін) орташа және өте терең. Қазақстанда, Алматы маңындағы Көлсай көлдері жүйесі жатады.