Ортоганалдықперпендикулярлық ұғымының жалпыланған түрі, кейде синонимі. Үш өлшемді кеңістікте екі вектор перпендикуляр болса, онда олардың скаляр көбейтіндісі нөлге тең. Бұл жағдай скаляр көбейтінді анықталған кез келген векторлық кеңістікте перпендикулярлық ұғымын жалпылауға мүмкіндік береді: егер екі вектордың скаляр көбейтіндісі нөлге тең болса, оларды ортогонал деп атайды. Егер екі сызықтық ішкі кеңістіктің біреуінің әрбір векторы екіншісінің әрбір векторына ортогоналды болса, ондай кеңістіктер өзара ортогоналды кеңістіктер деп аталады. Бұл ұғым үш өлшемді кеңістіктегі екі түзудің немесе түзу мен жазықтықтың өзара перпендикуляр болуын (бірақ екі жазықтықтың өзара перпендикулярлығы емес) жалпылайды. Тік бұрышпен қиылысатын қисық сызықтар ортогонал қисық сызықтар деп аталады. [1]

сызықтар

Дереккөздер өңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VII том