Оскар Лутс (1887 жыл 7 қаңтар, Эстония - 1953 жыл 23 наурыз, Тарту) - эстон кеңес жазушысы. Эстония КСР-інің Халық жазушысы (1945).

Еңбек жолы өңдеу

Қолөнерші отбасында дүниеге келген. Ауыл оқушыларының өмірін суреттеген «Көктем» (1912-1913) атты алғашқы повесі Лутстің есімін кеңінен танытты. Осы шығарманың жалғасы іспеттес «Жаз» (1918-1919), «Тоотстың үйленуі» (1921) повестерін жариялады. Оскар Лутс еңбекші бұқара халықтың ауыр тұрмысын жан ашарлықпен суреттеді, әлеуметтік теңсіздікті сынады. Ол «Андрестің өмірі» (1923), «Алғашқы қадамдар» (1932) повестерінде қарапайым адамдардың жақсы қасиеттерін көрсетті, «Тыныш мекен» (1934) повесінде фашизмге қарсы шықты. «Көне соқпақтар» (1930), «Қысқы жол» (1931) секілді 13 томдық естеліктердің авторы. «Бір түп капуста» (1913), «Паунвере» (1913) т.б. пьесаларында эстон байларының дүние қоңыздылығын, рухани күйреуін әшкереледі.

Марапаттары өңдеу

Еңбек Қызыл Ту орденімен және бірқатар медальдармен марапатталған.[1]

Дереккөздер өңдеу

  1. Қазақ Совет Энциклопедиясы, Алматы, 1974ж., 7 том