Парацератерий

Парацератерий [1] (Paraceratherіum) – олигоцен дәуірінде тіршілік еткен алып мүйізтұмсықтардың бірі. Парацератерийлер Орталық Азияда шамамен 23 – 25 миллион жылдар аралығында тіршілік еткен сүтқоректілердің ішіндегі ең ірісі. Оның дене тұрқы 7 – 8 м, биікт. 4 – 5 м. Басқа мүйізтұмсықтылардан айырмашылығы оларда мүйіз болмаған. Мойыны ұзын, жоғары екі күрек тістері ұзарып, қылыш тәрізді төмен қарай шығып тұрған. Кеудесі қысқа, үш саусақты аяқтары ұзын болған. Ағаш, бұта жапырағымен, жас бұтақтармен қоректенген. Қазақстанда парацератерийдің сүйектері Жәйрем, Қызылқия (Орталық Қазақстан) және Ақтау, Қызылжар (Оңтүстік-Шығыс Қазақстан) жерлерінен табылған.

Дереккөздер өңдеу

  1. Қазақ энциклопедиясы 7 т,