Пилюля (лат. pilulaдомалақ, шар тәрізді) — дәрінің домалақтанған түрі. Фармокологиялық комитетінің қарарына сәйкес салмағы 0,1—0,5 г, диаметрі 3— 8 мм-ден аспауы керек. Фармокологияда таблетка шыққанға дейін Пилюля кең қолданылып келді. Пилюляның басқа дәрілерден ерекшелігі — кейбір дәрілердің ішуге жағымсыз иісі мен дәмін білдірмейді. Өз салмағындай таблеткаға қарағанда ішуге ыңғайлы, оңай жұтылады. Пилюля дәрілік заттарға су, спирт, глицерин, қант, бал, ұн, алюминий тотығы т. б. қосу арқылы жасалады. Бұл аталған заттардың қайсысын қосу дайындалатын Пилюля түріне және қолданылуына байланысты. Пилюля арнайы ыдыстарда (картон, шыны, пластмасса) құрғақ жерде сақталады.[1]

Пилюлялардың түрі

Дереккөздер өңдеу

  1. Қазақ Совет Энциклопедиясы, 9 том