Психология және педагогика факультеті (ҚазҰПУ)

Психология-педагогика факультеті - Абай атындағы Қазақ ұлттық педагогикалық университетінің факультеті. Еліміздегі педагог-психологтарды, білім беру жүйесіндегі психологтарды, бастауыш сынып мұғалімдерін, балабақша тәрбиешілерін, дефектологтарды және әлеуметтік педагогтар мен өзін-өзі тану мұғалімдерін дайындайтын бірден-бір іргелі білім ошағы. Барлығы да қажетті, бүгінгі заман талабына жауап бере алатындай мамандарды даярлау бір мақсатқа жетуге бағытталған, ол - еліміздің білімді, білікті, салауатты, бәсекеге қабілетті жастарын оқытып тәрбиелеу. Факультет құрамында педагогика және психология, мектепке дейінгі және бастауышқа білім беру, әлеуметтік педагогика және өзін-өзі тану салалары бойынша Қазақстан Республикасына танымал: 10 - ғылым докторы, 11 - профессор, 29- ғылым кандидаты, 28-доцент, аға оқытушылар, оқытушылар және тәжірибелі әдіскерлер мен мамандар жұмыс жасайды. Профессор-оқытушылар құрамы заман талабына сай жаңа ақпараттық технологияға негізделген интерактивті оқыту формасын белсенді түрде енгізу арқылы білім берудің жаңа кредиттік жүйесінде оқу үрдісін жүргізеді. Факультетте білім беру саласындағы жаңа оқыту жүйесіне байланысты мемлекеттік стандарттарды жасау арқылы халықаралық байланысты ұлғайтуға бағытталған тұрақты жұмыстар да жасалынуда. Психология-педагогика факультеті 1999 жылы бастауыш білім беру әдістемесі және дефектология факультеттерінің негізінде құрылды. Факультетті құруға көп еңбек сіңірген және алғашқы деканы болған, п.ғ.к., проф. Р.М. Қоянбаев болды. Оқу ғимаратының №29 оқу-мәжіліс дәрісханасына осы кісінің құрметі ретінде ғалымның есімі берілді. Сол кезде іргесі қаланған факультеттің бастауында тұрып, жас факультетке пәрменді көмек көрсеткен, бүгінде өмірден озған: Т.С.Сабыров (№27-кабинетке есімі берілді.) ф.ғ.д.,проф. М.Ә.Қараев, проф. О.С.Сатқанов, доц. Л.И.Завалишина сияқты аяулы ғалым-ұстаздармен бірге факультетке өнегелі еңбек сіңірген ғылым-докторлары, профессорлар жұмыстар жасады. 2004-2008 жылдар аралығында факультетке п.ғ.д., проф. Қ.І.Адамбеков, ал 2008-2011 жыл аралығында п.ғ.д., проф. Р.Ә. Шаханова басшылық етті. Қазіргі уақытта факультетті п.ғ.д., профессор Серік Мұхтарұлы Кеңесбаев басқаруда.


С.М.Кеңесбаевтың айланысып жүрген ғылыми жұмыстарының бағыты қазіргі заман талабына сай жоғары білікті де білімді педагогикалық мамандарды даярлауда жаңа ақпараттық, инновациялық технологияларды білім беру саласында пайдаланудың педагогикалық негіздері мен жолдары, ақпараттық технологияларды, информатика пәндерін басқа да пәндермен байланыстыра отырып оқытып, білім беру жүйесін жетілдіру, солардың ғылыми-әдістемелік жолдарын жасау, компьютерді күнделікті өмірде қолдану мүмкіндіктерін дамыту және де т.б. мәселелерді қамтиды. Бүгінгі күнге дейін 140-қа жуық ғылыми мақалалары мен еңбектері жарық көрген. Оның ішінде 1 - монография, 6 - оқулық, 2 - оқу құралы, 9 - оқу-әдістемелік кешендер, 128 - ғылыми, ғылыми-әдістемелік мақалалардың авторы. С.М.Кеңесбаевтың тікелей жетекшілігімен 2 - ғылым докторын, 5 - ғылым кандидаттарын, 15 - магистрлер ғылыми жұмыстарын қорғады. Факультеттің материалдық-техникалық базасы қазіргі заман талабына сай жаңа ақпараттық құралдармен, компьтерлермен, интерактивті тақталармен қамтамасыз етіліп, оқу процесін және ғылыми зерттеу қызметтерін жүргізу барысы

нда жас ғалымдардың жан-жақты шығармашылық бағытта өсулеріне мүмкіндік береді. Факультет орналасқан ғимаратта мамандық бағыттарына қарай жабдықталған дәрісханалар, оқу аудиторияларымен бірге интернет желісіне қосылған 2 компьютер класы, 40 орындық кітапханалық оқу залы бар. Оқу залында 2000-нан астам кітап қоры және әр түрлі мерзі мдік басылымдар мен ғылыми-практикалық конференциялардың материалдары жинақталған.

Талай жылдан бері қалыптасқан өзіндік дәстүрі бар факультеттің құрамындағы 4 кафедрада қазіргі таңда 6 мамандық бойынша еңбек нарығындағы сұранысқа ие бакалавр мамандар дайындалуда. Факультет ұжымының негізгі көрсететін қызметтері мен жұмыстары жоғары білікті, шығармашылық жетістіктері мол, қабілетті және болашақ ұрпаққа сапалы білім беретін мамандарды даярлап шығаруға бағытталған. Барлық кафедралардың профессор-оқытушылар құрамы мамандықтардың бағыттарына сәйкес мемлекеттік стандарттарды, типтік және жұмыс бағдарламаларын, оқу жоспарларын жетілдіруге қатысып, соның негізін жасап жүрген Республикамызға белгілі ғалымдар мен ұстаздар.Сонымен бірге жаңа жүйеде білім беру мен жаңа оқыту технологияларын меңгеріп, оқу үдерісіне енгізіп отыруды басшылыққа алып, оқулықтар мен оқу-әдістемелік құралдар, электронды оқулықтар, кешендер мен силлабустар жасауда. Жыл сайын факультет мамандықтарына сырттай және күндізгі бөлімдер бойынша оқуға

түсуге ықылас танытқан талапкерлер саны арта түсуде. Ел басымыз Н.Ә.Назарбаевтың саясатында жастарға қолдау көрсету алдыңғы қатарға қойылғаны белгілі. Факультетте өте жақсы оқитын және қоғамдық жұмысқа белсене қатысатын студенттерге арнайы Президенттік және Ы.Алтынсарин атындағы шәкіртақылар тағайындалып отырады. Сондай-ақ оқу жылдарында әр сессияның қорытындысы бойынша факультеттің ақылы бөлімінің жақсы оқитын студенттері мемлекеттік гранттан босаған орындарға жарияланған конкурсқа қатысуға мүмкіндік алып, үздік шыққан студенттер мемлекеттік гранттың иегері бола алады.