Пәйкент

Пәйкент — Өзбекстан жеріндегі орта ғасыр қаласы (орны Бұхараның оңтүстік-батыс жағында 35 км жерде). Пайкент іргесі б. з. 1 ғасырда қаланды, 5—7 ғасырда сауда мен қолөнердің ірі орталығына айналды, дәуірлеген кезі — 9—10 ғ.Сол кезде, қала төңірегін қоспағанда, 20 га-ға жуық жерді алып жатты. Пайкент сыртына мұнаралы қорған тұрғызылған. Қала ішінде: қамал, көптеген ғимараттар, сәулетті тұрғын үйлер, шеберханалар салынған. П. 11 ғасырда құлдырады. 12 және 14—15 ғ-да қайта өркендегенмен бұрынғы қалпына жете алмады. Археологиялық қазба жұмыстары 1914, 1939—40, 1954, 1956 ж. жүргізілді.