СИФ (ағылш. CІF, ағылш. Costқұн, ағылш. Іnsuranceсақтандыру, ағылш. Freіgtфрахт) — сыртқы саудадағы сатып алу-сату шартының түрі; шеттен әкелінетін тауардың шекаралық бағасы, онда шетелден сатып алуға жұмсалатын шығын, тауарды келетін портына жеткізу, кеме бортынан айлаққа түсіру үшін қажетті халықаралық тасымал мен сақтандыру төлемі қамтылады.

Тауарды СИФ шартымен жеткізу кезінде оның шартта көрсетілген сату бағасына тауардың құны,[1] сақтандыруға және апарылатын портқа дейін тасымалдауға жұмсалатын шығын кіреді. Мұндай жағдайда сатушы тауарды өзінің есебінен жөнелтілетін портқа (бекетке) жеткізуге, кемені (немесе ондағы орынды) жалдауға, тауарды әкетумен байланысты барлық алымдарды, салықтарды, баждарды төлеуге, оны сақтандыруға, сатып алушыға тауар құжаттарын тапсыруға міндетті. Тауар кеме бортына тиелген сәттен бастап оның бүліну немесе кездейсоқ опат болу қатері сатып алушыға көшеді.[2]

Дереккөздер өңдеу

  1. Қазақ Энциклопедиясы, 7 том
  2. Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2