Сағымбай Ботпайұлы Жұмағұлов

Сағымбай Ботпайұлы Жұмағұлов (1968 жылы, Қарақұдық ауылы, Бұқар жырау ауданы, Қарағанды облысы) - ғалым, филология ғылымдарының докторы, алаштанушы, Қазақстан Журналистер Одағының мүшесі.

Сағымбай Ботпайұлы Жұмағұлов
Туған күні

15 шілде 1968 (1968-07-15) (55 жас)

Туған жері

Қарақұдық ауылы, Бұқар жырау ауданы, Қарағанды облысы

Азаматтығы

Қазақстан

Ғылыми аясы

әдебиеттану

Жұмыс орны

Л.Гумилев атындағы Еуразия Ұлттық университеті

Ғылыми дәрежесі

филология ғылымдарының докторы

Ғылыми атағы

профессор

Альма-матер

Е.А.Бөкетов атындағы Қарағанды мемлекеттік университеті

Марапаттары


Жоғары оқу орнының үздік оқытушысы (2012)

Қызметтік жолы өңдеу

  • 1992-1994 жылдары «Замандас», «Шипагер» газеттерінде тілші, жауапты хатшы болып қызмет істеді.
  • 1994-2014 жылдары академик Е.А.Бөкетов атындағы Қарағанды мемлекеттік унивеситетінде оқытушы (1994-1997), аға оқытушы (1997-2002), доцент (2003-2006), профессор (2006-2014) болып, қазақ әдебиеті кафедрасының жетекшісі болып жұмыс істеді,
  • 2014 жылдан Л.Гумилев атындағы Еуразия Ұлттық университетінде еңбек етуде.

Зерттеулер өңдеу

Сағымбай Ботпайұлы - 300-ден аса ғылыми мақалалардың, 2 оқу құралының, 2 монографияның, 2 электронды оқыту құралының авторы. Профессор Жұмағұлов қазақ әдебиетінің тарихына қатысты көлемді еңбек жазып, алаштану бойынша еңбек етуде. Ол бірнеше ғылым магистрлеріне жетекшілік етті. Шәкірттерінің басым көпшілігі алаштануға қатысты ғылыми диссертацияларын қорғаған.

  • «Сын сардары». Монография. –Қарағанды: «Арко», 1999. – 133 б.
  • «Әдебиетші әлемі». Оқу құралы. – Қарағанды: Арко, 2003. – 119 б.
  • «ХХ ғасырдың екінші жартысындағы қазақ әдебиеттану ғылымы (1956-1991 жж)». Монография. – Қарағанды: ЖШС «Гласир», 2008. – 552 б.
  • «Ғұмар Қараш шығармашылығы». ЭЕМ-ға арналған бағдарлама. Зияткерлік меншік объектісін мемлекеттік тіркеу куәлігі. №272. 25 мамыр 2007 ж.
  • «ХХ ғасырдың екінші жартысындағы қазақ әдебиеттану ғылымы (1956-1991 жж)». ЭЕМ-ға арналған бағдарлама-электрондық оқу құралы. Авторлық құқық объектісіне құқықтарды мемлекеттік тіркеу туралы куәлік. №055. 13 қаңтар 2011ж.[1]

Дереккөздер өңдеу

  1. Жумагулов Сагымбай Ботпаевич. Мұрағатталған 23 қыркүйектің 2015 жылы.