Сергей Размикович Погосян

Сергей Размикович Погосян 1971 жылы 20 шілдеде Алматы қаласында туған. Армян. Әкесі - Погосян Размик Захарович (1932 ж. т.), зейнеткер, ауыл шаруашылық ғылымдарының кандидаты, доцент. Анасы - Приходина Гоя Николаевна (1934 ж. т.), зейнеткер, инженер-жобалаушы. Алматы ауыл шаруашылығы институтын (1992) экономист мамандығы бойынша; Т. Жүргенов атындағы Қазақ мемлекеттік театр және кино институтын (1996) театр және кино актері мамандығы бойынша бітірген. 1990 жылдан - «Бенефис» театрының актері. 1993 жылдан - МПТО «Драма труппасы «Другой театр» театрының актері. 1995 жылдан - М.Ю. Лермонтов атындағы мемлекеттік академиялық орыс драма театрының актері. Қазіргі уақытта - шығармашылық жұмыста. «Ай да Братец Кролик» (Қасқыр Ағай), «Василиса Прекрасная» (Змей Горыныч), «Все в саду» (Ричард), «Деревья умирают стоя» (Другой), «Игра воображения» (Юрий), «Как важно быть серьезным» (Алджернон Монкриф), «Когда лошадь теряет сознание» (Юбер Дарсэ), «Сети дьявола» (Белгісіз), «Таланты и поклонники» (Мигаев), «Эзоп» (Эзоп) спектакльдерінде рөлдер орындаған. ҚР Мемлекеттік сыйлығының лауреаты. Әскери атағы - аға лейтенант. Діни көзқарасы - атеист. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Жарқын, оптимистік». Үйленген. Жұбайы - Погосян Татьяна Юрьевна, орыс тілі пәнінің оқытушысы. Қызы - Погосян Анна Сергеевна (1996 ж. т.). [1]

Дереккөздер өңдеу

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2