Соноран шөлі (ағылш. Sonoran Desert; ис. Desierto de Sonora; кейде Гила шөл даласы) — Америка шөл даласына жатады. Ол Американың Аризона, Калифорния штаттарының және Мексиканың Сонора штатының үлкен аумағын қамтиды. Бұл - солтүстік Америкадағы ең үлкен және ең ыстық шөл даласы.

Шөл далада өсімдіктер мен аңдардың ерекше түрлері бар. Солардың біріне - сагуаро кактусы жатады. Шөл даланың кіші аймақтарына Колорадо шөл даласы мен Юма шөл даласы кіреді. Шөл дала тіршілік иелеріне өте бай. Соноран шөл даласында сүтқоректілердің 60, құстардың 350, бауырымен жорғалаушылардың 100-ден астам, жергілікті балықтардың 30, жергілікті өсімдіктердің 2000-ға жуық түрлері бар. Соноран ұлттық саяжай шөл даласы осы шөл далалық аймақтың ерекшелігін сақтап қалу үшін ұйымдастырылған. Бұл қорық келушілерді көрмесімен таң қалдырады. Көрмеде орган тәрізді түтік - кактус, соноран айырмүйізі, құмды дөңдер, лаваның ағуы, сенита және сагуаро кактусы, құрғап кеткен көлдер, жалпақ құйрықты және мүйізді кесірткелер, тасқынды таулар, қабатты көріністер, үлкен мүйізді шөл дала қойлары, піл ағаштар және тағы басқалар бар. Бұл жерден қауіпті өсімдіктер мен аңдардың түрлерін де кездестіруге болады.

Соноран шөл даласының көптеген өсімдіктері тек қатал жағдайға көніп қала қойған жоқ, олар құлпыру үстінде. Шөл даланың жоғарғы қатпарлы тауларында қылқанды ормандар кездеседі. Бұл жердің қысы қалыпты жылы, ал жазғы уақытта тым ыстық болады. Кей жерлерде пальма, т.б. ағаш түрлері кездеседі.

Соноран шөлінен бас жыландарға қоса тағы улы шаяндарды айдаһар басты жыландарды да кездестіруге болады.

Шөл далаларға тән аңызақ жел де Соноран шөлінде соғады[1].

Дереккөздер өңдеу

  1. Аруна баспасы Шөлдер Энциклопедиясы 25 бет ISBN 9965-26-437-6