Станислав Станиславович Пестковский

Станислав Станиславович Пестковский (03.12.1882 жыл, Польша, Калишск губ. — 15.11.1937 жыл, Мәскеу) — поляк және орыс революционері, Мемлекеттік банк комиссары, пошта және телеграф бойынша халық комиссары, Қырғыз (Қазақ) аймағын басқару жөніндегі Революциялық комитетінің 1-ші төрағасы. Ұлты - поляк.

Станислав Станиславович Пестковский
(Түрмеде түсірлген фото)
Ту Мемлекеттік банк комиссары
1917
Ізбасары	В.В.Оболенский
Ту Қырғыз (Қазақ) аймағын басқару жөніндегі Революциялық комитетінің 1-ші төрағасы
1919 — 1920
Ізбасары	Виктор Алексеевич Радус-Зенькович
Өмірбаяны
Партиясы	КОКП
Білімі	Лодзь қаласындағы гимназияны, Лондон университетін бітірген
Дүниеге келуі	3 желтоқсан 1882 (1882-12-03) Польша, Калишск губерния, Келчиглув селосы
Қайтыс болуы	15 қараша 1937 (1937-11-15) (54 жас) Мәскеу, Ресей КФСР

Өмірбаяны

• 1882 жылы Польшаның Калишск губерниясындағы Келчиглув селосында, дворян отбасында туған;
• Лодзь қаласындағы гимназияны, Лондон университетін бітірген;
• Орыс, француз, ағылшын, неміс тілдерін меңгерген;
• 1905—06 жылдары Польша мен Литвадағы социал-демократтар жетекшілерінің бірі болды;
• 1906 жылы саяси қызметі үшін тұтқындалып, каторгаға айдалды;
• 1911 жылы Иркутск губерниясына жер аударылған, одан 1913 жылы қашып шығып, шетелге кетеді;
• 1914—17 жылдары Лондон большевиктік секциясының британ социал партиясының мүшесі болды;
• 1917 жылы кәсіподақтардың Петроград орталық кеңесінің мүшесі болып, РСДЖ(б)П Петербург комитетінде және ОК хатшылығында қызмет етті, Петроград әскери революциялық комитетінің комиссары ретінде юнкерлер бүлігін басуға қатысты;
• 1917—19 жылдары РКФСР Ұлт істері жөніндегі халық комиссарының орынбасары;
• 1919 жылдың шілдесінен 1920 жылдың 1 қыркүйегіне дейін Қазақ революциялық комитетінің тұңғыш төрағасы, 1920 жылы РК(б)П Қырғыз (қазақ) бюросының төрағасы болды. Пестковский Қазақстанда жұмыс істеген кезінде Орынбор қаласы мен Орынбор облысын, солтүстік облыстардың Қазақстанның құрамына кіруіне ықпал етті, құрбан айт мейрамына рұқсат берілді;
• 1921 жылы Польшамен шекараны белгілеу жөніндегі кеңестік орыс-украин делегациясының төрағасы;
• 1922 жылдан партия және дипломатиялық жұмыстарда болды;
• 1924—26 жылдары КСРО-ның Мексикадағы өкілетті өкілі. Коминтерн аппаратында жұмыс істеді. 30-жылдардың ортасында бірыңғай ғылыми жұмысқа көшеді;
• 1937 жылы тұтқындалып, ату жазасына кесілді;
• 1955 жылы ақталды.