Стефано Фьоре

	Стефано Фьоре
Жалпы мағлұмат
Туған күні	17 сәуір 1975 (48 жас)
Азаматтығы	Италия
Бойы	181
Позиция	жартылай қорғаушы
Клуб жайлы ақпарат
Клуб	карьерасын аяқтады
Клуб карьерасы
Клуб карьерасы
Ұлттық құрамы
	↑ Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. ; ↑ Ресми матчтарда ұлттық құрамда болған ойындары мен голдар саны. ;
	Бұл үлгіні: көру • талқылау • өңдеу

Стефано Фьоре (итал. Stefano Fiore; 17 сәуір 1975^[1], Козенца) — итальялық футболшы, жартылай қорғаушы.

Карьерасы өңдеу

"Козенце" клубының түлегі. 1994 жылы "Парма" скуаттарының көзіне түсті де, осы клубқа ауысты. 1994/95 жылғы маусымда 19 жасар футболшы негізгі құрамға орныға алмады, есесіне УЕФА кубогының жеңімпазы атанды.

Кейін "Падова", "Кьево" клубтарында бір-бір маусымнан ойнады. 1997 жылы жазда "Пармаға" қайта оралды. Ол "Парманың" дәуірлеген кезі тұғын, құрамында Дино Баджо, Лилиан Тюрам, Ален Богоссян, Эрнан Креспо, Хуан Себастьян Верон, Роберто Нестор Сенсини, Марио Станич секілді белді футболшылар доп тепті. Сол себепті де Фьоре үнемі негізгі құрамда ойнай алған жоқ.

Ал 1991-2001 жылдары "Удинезеде" ойнап, клубтың негізгі құрамында тұрақты алаңға шықты. Тәп-тәуір ойыны Италия құрамасының бапкері Дино Дзоффтың құрамаға шақыруына себеп болды. Фьоре 2000 жылғы Еуропа чемпионатына қатысты. Турнирде алты ойында да алаңға шығып, бір гол соқты, Еуропа чемпионатының күміс жүлдегері атанды.

2001 жылы "Лациоға" ауысып, тағы да негізгі құрамнан тыс қалды, соның кесірінен 2002 жылғы әлем чемпионатына шақырылмады.

2004 жылғы Еуропа чемпионатына қатысты, бірақ бұл жолы құрама топтық турнирден оза алмады.

Кейінгі карьерасында "Валенсия", "Фиорентина", "Ливорно", "Мантова" клубтарында ойнап, 2009 жылы туған клубы "Козенцаға" қайта оралды.

2011 жылы карьерасын аяқтады.

Жетістіктері өңдеу

Парма

Италия кубогы: 1998/99
УЕФА кубогы: 1994/95, 1998/99

Лацио

Италия кубогы: 2003/04

Италия құрамасы

Еуропа чемпионатының күміс жүлдегері: 2000

Марапаттары өңдеу

«Италияға еңбегі сіңген» ордені (2000)

Дереккөздер өңдеу

↑ https://www.transfermarkt.com/transfermarkt/profil/spieler/5842

Сілтемелер өңдеу

Статистикасы (ағыл.)
Статистикасы Мұрағатталған 19 қарашаның 2019 жылы.

[club-1] Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

[national-2] Ресми матчтарда ұлттық құрамда болған ойындары мен голдар саны.

[3] ttps://www.transfermarkt.com/transfermarkt/profil/spieler/5842

[1]

[* 1]

[* 2]