Сәкен Әбдіғаппарұлы Сыбанбай

Сәкен Сыбанбай (16 ақпан 1972 жыл, Мақтарал ауданы, Шымкент облысы, Қазақ КСР, КСРО) — қазақстандық журналист, жазушы. Футбол тақырыбында кітап жазған Сейдахмет Бердіқұлов пен Несіп Жүнісбаевтан кейінгі қазақ прозасы тарихындағы үшінші жазушы[1].

Туған күні

16 ақпан 1972 (1972-02-16) (52 жас)

Туған жері

Мақтаарал ауданы, Шымкент облысы

Азаматтығы

 Қазақстан

Ұлты

Қазақ

Мансабы

журналист

Жанры

Проза, публицистика

Шығармалардың тілі

қазақша

Өмірбаяны өңдеу

Қоңырат тайпасының Байлар-Жандар руынан шыққан. 1989-1994 жылдары қазіргі Әбу Нәсір әл-Фараби атындағы Қазақ Ұлттық Университетінің журналистика факультетінде білім алды.

Еңбек жолын 1992 жылы республикалық «Ғажайып Үндістан» газетінен бастады. 1993-1995 жылдары «Ақ желкен» журналында жұмыс істеді. 1995-1997 жылдар аралығында «Ана тілі» газетінде қызмет атқарды. 1997-2004 жылдары «Жас Алаш» газетінде тілші, спорт бөлімінің меңгерушісі, руханият бөлімінің меңгерушісі, сосын редакция меңгерушісі болып қызмет атқарды. 2005-2009 жылдар аралығында «Жас қазақ» газеті бас редакторының бірінші орынбасары болып еңбек етті. 2009-2011 жылдар аралығында «Жұлдыздар отбасы» журналы бас редакторының орынбасары қызметін атқарды. 2011-2017 (қараша айына дейін) «Алматы ақшамы» газетінде қызмет атқарды.

2017-2020 жылдар аралығында «Ұлттық аударма бюросы» қоғамдық қорында әдеби редактор болып, «Қазақ тіліндегі гуманитарлық білім. 100 жаңа оқулық» жобасына қатысты. 2020 жылдың маусым айынан республикалық «Парасат» (бұрынғы «Мәдениет және тұрмыс») журналының бас редакторы.

Шығармашылығы өңдеу

«Мұңлық», «Бақытты адам», «Үміт үйі», «Ғаламтордағы махаббат», «Дискриминация», «Сен қандай тәтті едің, өмір!», «Бір шәугім шай» секілді танымал шығармалары оқырман қауымға жақсы таныс. «Ділдің дерті» (2012 жылы шықты) және футболдан әлем чемпионаттарының тарихын баяндайтын «Ала доптың аламаны» (2015) атты кітаптары жарық көрді.

Марапаттары өңдеу

  • «Алтын қалам»тәуелсіз әдеби байқауының «Жылдың үздік прозасы» аталымының жеңімпазы.
  • «Рахымжан Отарбаевтың мәдени қоры» ұйымдастырған еркін тақырыптағы әңгімелер байқауының жүлдегері
  • «Ауылым – алтын тұғырым» әдеби байқауының жүлдегері.
  • "Мұңлық" әңгімесі 2014 жылдың үздік прозасы деп танылды.

Дереккөздер өңдеу

Сілтемелер өңдеу