Том Сойердің басынан кешкендері

Том сойердің басынан кешкендері – 2011 жылы Астана қаласында «Аударма » баспасында басылып шығарылған кітап. Кітап авторы – Марк Твен, орыс тілінен аударған Ф.Оңғарсынова. Қазақстан Республикасы Мәдениет министрилігінің Тіл коммитеті «Мемлекеттік тілді және Қазақстан халқының басқа да тілдерін дамыту» бағдарламасы бойынша шығарылды. Кітап жанры – хикаят, беттер саны – 240. Әлем балалар әдебиетінің Інжу – Маржаны жасөспірімдерге арналған шығарма.




Марк Твен өңдеу

Марк Твен (ағылш. Mark Twain, шын аты Сэмюэл Лэнгхорн Клеменс (ағылш. Samuel Langhorne Clemens); 30 қараша 1835 жыл, Флорида, Миссури, АҚШ — 21 сәуір 1910 жыл, Реддинг, Коннектикут, АҚШ) — америкалық жазушы, журналист, көсемсөзші. Көркем әдебиет, тарихи көркем әдебиет, балалар әдебиеті, сатира, эссе, философиялық әдебиет, әдебиеттанужанрларында шығармаларын жазған. Гуманист және демократ.


Қысқаша мазмұны өңдеу

Бұл классикалық туындыда Том Сойердің басынан кешкен қызықты оқиғалары суреттеледі. Мектеп оқушысы Томның жан досы Гекпен сүйікті Беккимен болған оқиғалар сипатталады. Бұл оқиғалардың ішінде Беккиді өзіне қаратқаны, Гекпен бірге қазына іздегені, мектеп қабырғасындағы болған көптеген көріністер жайлы баяндалады. Оқиға тілі бай, түрлі тартыстарға толы. Кейіпкер және олардың өмірі, дүниетанымы арқылы сол кездегі, яғни XVIII ғасырдағы АҚШ – тағы шағын қалашықтар тұрғындарының күнделікті жұмыс тіршілігі, қарапайым адамдардың, діни қызметкерлердің психологиясы, болмысы, түсінігі көз алдыңа келеді. Кейбір тұстардағы суреттер мен оқиғалар қазақ ауылындағы өмірді көз алдыңа әкелгендей болады.

Кітап бөлімдері өңдеу

1. Том ойнайды, төбелеседі, жасырынады.

2. Ғажайып сыр шам

3. Соғыс және махаббат

4. Жексенбілік мектепте

5. Тістеуік коңыз және оның құрбандығы

6. Том Беккимен танысты

7. Таскенені қуу және жаралы жүрек

8. Болашақ батыр қарақшы

9. Зираттағы трагедия

10. Иттің ұлығаны – жамандықтың белгісі

11. Том ар азабын тартуда

12. Мысық және сауықтырушы

13. Қарақшылар желкен көтерді

14. Бақытты қарақшылардың тұрағы

15. Том жасырынып өзінің үйіне барады

16. Алғашқы түтіндер. «Мен пышақты жоғалттым»

17. Қарақшылар өздерін жерлеп жатқандар арасында

18. Том өзінің түсін айтады

19. Қатқыл сөздер. «Мен ойламаппын»

20. Том Бекки үшін өзін құрбан етуге барады

21. Көпсөзділік және мұғалімнің алтынды мұнарасы

22. Гек Финн Тәураттан үзінді келтірді

23. Мефф Поттердің құтқарылуы

24. Тамаша күндер және қорқынышты түндер

25. Қазыналы іздеу

26. Алтын салынған шағын сандықты нағыз қарақшылар ұрлаған

27. Қалтырап қорқады, бірақ соңдарынан қалмады

28. Үнділік Джонның үңгірінде

29. «Табылды және тағы жоғалды»

30. «Шығыңдар! Табылды!»

31. Үнділік Джонның өлімі

32. Алтын ағыс

33. Тәрбиелі Гек тонаушылар шайқасына кіреді

34. Қортынды


Кітап қортындысы өңдеу

«Бұл шежіре осылай аяқталады. Шежіре баланың тарихы болғандықтан, осы жерде тоқтауы керек, ал егер жалғасатын болса, үлкен адамның тарихы болады. Үлкен адам жайлы роман жазсаң, қай жерге нүкте қою керектігін – үйлену тойында – алдын ала білесің, ал балалар жайлы жазсаң, өзіңе ыңғайлы жерге қоюға тура келеді. Осы кітаптағы көптеген кейіпкерлер әлі де өле қойған жоқ және бақытты өмір сүріп жатыр. Мүмкін автор бәраз уақыт өткесін жас кейіпкерлердің тағдыры жайлы айналысқысы келсе, олардан қандай адамдар шыққанын көргісі келсе, олардың қазіргі өмірі жайлы әңгімелеудің қажеті жоқ» деп аяқталады.

Дереккөздер өңдеу

«Том Сойердің басынан кешкендері» кітабы, 2011 ж, «Аударма» баспасы https://kk.wikipedia.org/wiki/%D0%9C%D0%B0%D1%80%D0%BA_%D0%A2%D0%B2%D0%B5%D0%BD