Торғын Жылқышықызы Тасыбекова
Торғын Жылқышықызы Тасыбекова (1938 жылы 15 тамызда Алматы облысы Іле ауданы Ынтымақ ауылында туған) — актриса. Қазақстанның халық әртісі (1991). Парасат және Құрмет ордендерінің иегері. Қазақстан Республикасының мәдениет саласындағы мемлекеттік степендиясының иегері.
Торғын Жылқышықызы Тасыбекова | |||
Жалпы мағлұмат | |||
---|---|---|---|
Туған күні | |||
Туған жері | |||
Азаматтығы | |||
Мамандығы | |||
Белсенді жылдары | |||
Бағыты | |||
Марапаттары |
|
Толығырақ өңдеу
- Торғын Жылқышықызы Тасыбекова 1938 жылы 15 тамызда Алматы облысы Іле ауданы Ынтымақ ауылында дүниеге келген.
- 1961 жылы Құрманғазы атындағы Қазақ ұлттық консерваториясының актерлік шеберлік факултетін (халық артисі, профессор Асқар Тоқпановтың классын) бітірген.
- 1961 жылдан Мұхтар Әуезов атындағы Қазақ мемлекеттік академиялық драма театрының актерлік құрамына қабылданады. Осы жылдан бүгінгі күнге дейін қара шаңырақта қызмет етеді. Осы театрда алғаш ойнаған рөлі – М.Әуезов пен Л.С. Соболевтің “Абай трагедиясындағы” Мағыш. Торғын әр алуан рөлдерде ойнап, өзінің көпқырлы сахналық-орындаушылық өнерімен көрермендер ілтипатына бөленді.
Сахнадағы негізгі рөлдері өңдеу
- Мұхтар Әуезов атындағы Қазақ мемлекеттік академиялық драма театры сахнасында: Актриса ойнаған рөлдері қатарында Жансұлу (Қ.Байсейітов пен Қ.Шаңғытбаев], “Беу, қыздар-ай”), Айбала (Ә.Тәжібаев, “Той боларда”), Баян (Ғ.Мүсірепов, “Қозы Көрпеш – Баян сұлу”), Әйгерім (Б.Римова, “Абай– Әйгерім”), Ақбала (Әуезов, “Қарагөз”), Әлиман, Бекей (Ш.Айтматов, “Ана – Жер-ана” мен “Ақ кеме”), Луфти (С.Ахмад, “Келіндер көтерілісі”), Лаура (А.С. Пушкин, “Шағын трагедия¬лары”), Корина (Ф.Эрве, “Түлкі бикеш”), Марселла (Лопе де Вега, “Қызғаныштан махаббат”), Бьянка (У.Шекспир, “Асауға тұсау”), т.б. бар. Торғынның актерлік өнері лирикалы-драм. бояуы молдығымен, айшықты, сыңғырлаған сөз сазымен, әдемі сахналық қимыл-қозғалысымен ерекшеленеді.[1][2]
Марапаттары өңдеу
- 2016 жылы - Парасат ордені
- 2006 жылы - Құрмет ордені
- 1991 жылы - ҚР тұңғыш президентінің қолынан Қазақстанның халық артисі құрметті атағын алды.
- Қазақ КСР еңбек сіңірген артисі
- ҚР тұңғыш президенті - Елбасының мәдениет саласындағы мемлекеттік степендиясының иегері
Жеке өмірі өңдеу
- жары: Мұхтар Әуезов атындағы Қазақ академиялық драма театрының актері (1968-2001 жылдары), Қазақстанның халық артисі Әшірәлі Кенжеұлы.
Дереккөздер өңдеу
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
- ↑ Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2