Тромбон (итал. trombone – үлкейту, итал. tromba – труба) – үрлемелі музыкалық аспап. 15 ғасырдың басында Еуропада сэкват деген атпен пайда болған; содан бері оның қарапайым құрылымы онша көп өзгеріске ұшыраған жоқ. Әдетте Тромбон жезден жасалады. Жалпы тұрқы 1200 мм-ге жуық. Ойнауға ыңғайлы болу үшін Тромбонның түтігін екіге майыстырып жасаған. Дыбысын мундштук арқылы үрлеп шығарады. Тромбонның сопранодан контрабасқа дейін 6 түрі бар. Ең көп пайдаланылатыны – тенор мен бас. Тромбон негізінен оркестрде және әртүрлі ансамбльдерде кеңінен қолданылады, жеке де ойналады. 20 ғасырдың ортасынан Қазақстанда да кең тарала бастады.[1][2]

Дереккөздер өңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том
  2. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8