Тыныбай мешіті
Тыныбай мешіті — Семей қаласының сол жақ жағалауында орналасқан діни-тарихи ғимарат. Мешіттің мекен-жайы Жамбыл көшесі, 48-үй, қасында Семей өзен вокзалы орналасқан. Мешіт XIX ғасырдың 30-40 жылдары 2-реттік қазақ көпестері одағының мүшесі көпес Тыныбай Кәукеновтың қаржысына салынған. Ғимараттың іргетасы тастан қаланған. Мұнара күмбезіне дейінгі қабырғалары ағаштан жасалып, күмбезі мен сырт қабырғасының үштен бірі әртүрлі пішінде ағаштан ойылып нақышталған. Ғимараттың іші үлкен екі қабатты залдардан тұрады. Төменгі қабаты ерлер үшін, жоғарғысы әйелдерге арналған.
Қазіргі таңда ғимараттың сол жақ тұсында, ақ кірпіштен салынған, дәрет алынатын жай мен қосымша оқыту бөлмелері орналасқан.
Суреттері өңдеу
-
Тыныбай мешітінің жалпы көрінісі -
Тыныбай мешітінің сырт жағы -
Тыныбай мешіті жақыннан қарағанда
Сілтемелер өңдеу
- Портал "Семипалатинск" Мұрағатталған 3 тамыздың 2011 жылы. (орыс.)