Түк фолликулы

Түк фолликулы (волосяной фолликул) (folliculus pili, лат. folliculus — қапшық, қап; pilus — түк) — тері ішіндегі түк түбірін сыртынан қаптап тұрған түкқабы. Түкқабының қабырғасы ішкі эпителий және сыртқы дәнекер ұлпалы қабаттардан түзілген. Оның эпителий қабатын сыртқы түбір қынабы мен ішкі түбір қынабы құрайды. Сыртқы түбір қынабы тері эпидермисінің жалғасы, эпителиоциттердің бірнеше қабаттарынан тұрады. ішкі түбір қынабы пигментті эпителиоциттердің бірнеше қабаттарынан құралған. Терідегі қалыптасу кезеңіне байланысты түкқабы — біріншілік жөне екіншілік фолликул болып бөлінеді.[1]

Дереккөздер өңдеу

  1. Биоморфология терминдерінің түсіндірме сөздігі / — Алматы: «Сөздік-Словарь», 2009 жыл. ISBN 9965-822-54-9