Украина туы

Украина туы (укр. Прапор України) — Украинаның мемлекеттік байрағы. Екі көлденең орналасқан, сары және көк түсті бірдей жолақтардан құрылған. Мемлекеттік ту ретінде бұл дизайн ең бірінші рет Львів Ратушасының басында 1848 жылғы революциялар заманында қолданылды. Сол кезден бері ол украиндардың бейресми туы болып келген. Ресми түрде ол 1918 жылы көп жасай алмаған Батыс Украина Халық Республикасының байрағы болды, кейінірек ол Украина Халық Республикасының және Екінші дүниежүзілік соғыстан бұрын Карпаттық Украинаның да туы болды.

Украина туы
Қабылданған	1848 (пайда болуы) 22 наурыз 1918 (ресми түрде қабылданды) 24 тамыз 1991 (де факто қайта қабылданды) 28 қаңтар 1992 (қазіргі дизайны)
Қолдануы	Мемлекеттік ту
Пропорция	2:3
Дизайны	Сары және көк түсті көлденең биколор
Қабылданған	20 маусым 2006
Қолдануы	Әскери теңіз
Пропорция	2:3

Украина Кеңес Одағының құрамына енгенде биколор жойылды, оның орнына жаңа социалистік дизайн қолданылды. Тәуелсіздіктің алынғанынан бері ту қайта қабылданды. 23 тамыз Украинада ресми түрде Мемлекеттік Ту күні тойланады.

Дизайны

Украина заңы бойынша байрақтың түстері "сары және көк". Төменде берілген кестеде DSTU 4512:2006 техникалық айрықшалауы бойынша Украина туының түстері берілген:

Scheme	Көкшіл	Сары
Pantone	2935 C жабылған пантон	Сары 012 C жабылған пантон
RAL	5019 Зеңгір (лазурь түстес)	1023 алтын түсті
RGB color model	0, 87, 183	255, 215, 0
CMYK	100, 63, 0, 2	0, 2, 100, 0
HEX	#0057b7	#ffd700
Websafe	#0066cc	#ffcc00

Көк түсінің реңкімен байланысты түсініспеушілік болып жатады. 2013 жылы білгір Дмитро Малаков аспан реңкті көк қолданылу керек деп санады, өйткені геральдика ережелері бойынша қара көк түсін қолдану ұсынылмайды. Украина Геральдика қоғамы осымен келіспеді, геральдика ережелері жалауларға тиісті емес деп айтып кетті.

Қолданылуы

Тігінен ілінген нұсқасы

Тігінен орналастыру

Көлденең форматтан басқа тағы тігінен қойылған нұсқасы да көптеген ғимараттарда, соның ішінде Жоғарғы Рада сыртында, қолданылады. Дұрыс пропорциялары ресми түрде анықталмаған. Баннер сияқты ілінгенде, көк түсті жолағы әрқашан да сол жағында қойылады. Тігінен тұрған тутұғырда ілінгенде, көк түсті жолағы оған қарама-қарсы болу керек.

Декорация

Шашағы жайлы ешқандай ережелер қабылданбаған. Көбінесе әскер, күзет, теңіз және әуе қарулы күштері шашақты тек рәсімдерде қолданады, ал Президенттің офисі және жергілікті билеушілер әр жағдайда тек шашақты нұсқасын қолданады.

Көтерілетін күндері

Львів Опера театрының үстінде орналастырылған Украина туы

Украина байрағы осы күндері көтеріледі:

• 1 Қаңтар: Жаңа Жыл
• 7 Қаңтар: Рождество
• 22 Қаңтар: Украина Бірлік күні
• 8 Наруыз: Халықаралық әйелдер күні
• 1 & 2 Мамыр: Халықаралық Жұмысшылар күні
• 9 Мамыр: Жеңіс күні
• 28 Маусым: Конституция күні
• 23 Тамыз: Ту күні
• 24 Тамыз: Тәуелсіздік күні
• 21 Қараша: Бостандық және Адамгершілік күні
• 6 Желтоқсан: Қарулы күштер күні
• 25 Желтоқсан: Рождество

Жартылай түсірілетін күндері

• Қарашаның 4-ші сенбісі: Голодомор құрбандарының еске алу күні
• Басқа да тарихи оқиғалар: апаттар, Донбасстағы соғыс және Еуромайдан; Лех және Мария Качиньскилердің өлімі, жерленуі, Рим папасы II Иоанн Пол жерленуі және 11 қыркүйек апаты.

Тарихы

• 
  Грюнвальд шайқасында қолданылған Львов жерінің хоругві
• 
  Грюнвальд шайқасында қолданылған Перемышев жерінің хоругві
• 
  Запорожье Сечінің жауынгерлер хоругві
• 
  Запорожье Сечінің жауынгерлер хоругвінің сырт жағы
• 
  Украина державасының (1918) және Украина Халық Республикасының (1918-1920) ресми туы
• 
  Украина Халық Республикасының әскери флотының бірінші туы
• 
  Оның екінші, кейінгі нұсқасы
• 
  Украин КСР туы (1919-1929)
• 
  Украин КСР туы (1929-1937)
• 
  Украин КСР туы (1937-1949)
• 
  Украин КСР туы (1949-1991)
• 
  Украина көтерілістік қозғалыстың және бандеровтердің туы
• 
  Мельниковтер организациясының туы
• 
  Тәуелсіз Украина туының бірінші нұсқасы (1991–1992)