Феодосий ІІ (401 ж. ш. – 28.7.450) – Византия (Шығыс Рим империясы) императоры (408 – 50). 428 жылға дейін апасы Пульхерияның қамқорлығымен билік жүргізді. 442 жылы Феодосий ҚҚ вандал тайпаларының көсемі Гейзерихпен бітім жасасуға мәжбүр болды, соның нәтижесінде Солтүстік Африка (қазіргі Тунис пен Алжирдің шығысы) вандалдарға өтті. 443 жылы және 447 – 48 жылы Византияға Аттила бастаған ғұн әскерлері басып кірді. Византиялықтар талқандалып, ғұндарға салық төлеп тұруға мәжбүр болды. Оның билігі тұсында Константинопольда ун-т ашылды (425).

Дереккөздер өңдеу

"Қазақ Энциклопедиясы", 9 том