Хош иісті шегіргүл

Хош иісті шегіргүл (лат. Viola odorata) - шегіргүл тұқымдасы, шегіргүл туысына жататын, сабақсыз өсетін, көп жылдық, шөп тектес майда өсімдік.

Хош иісті шегіргүл

Ғылыми топтастыруы
Дүниесі: Өсімдіктер
Бөлімі: Гүлді өсімдіктер
Табы: Қос жарнақтылар
Сабы: Malpighiales
Тұқымдасы: Violaceae
Тегі: Viola
Түрі: V. odorata
Екі-есімді атауы
Viola odorata

Ботаникалық сипаты өңдеу

 
Гүлі
  • Тамыр сабағы барынша бұтақты болады, көлбеу өседі.
  • Гүлдері - хош иісті, күлгін түсті, гүл сабақтары ұзын. Гүл тостағаншасының қалақшалары да, гүл жапырақшалары да бес-бестен. Ерте көктемде гүлдейді.

Өсетін жері өңдеу

Қазақстанның барлық аймақтарында ормандардың іштері мен шеттерінде, бұталардың арасында өседі. Сәндік өсімдік ретінде қолдан да егіледі.

Құрамы өңдеу

Құрамында сапониндер, виолин, салицил қышқылы, С дәрумені, эфир майлары, ащы заттар бар.

Емдік қасиеті және қолданысы өңдеу

Хош иісті шегіргүлден жасалған дәрілерді халық медицинасында қақырық түсіру үшін пайдаланады. Онымен тыныс жолдарының қабынуын, көк жөтелді, подаграны, ревматизмді емдеуге болады. Сонымен бірге бүйрекке және қуыққа тас байланғанды, ұйқы қашқанда, жүрек қатты соққанда қолданылады. Өсімдіктіғң сулы тұнбасымен тамақ бездері қабынғанда тамақ шаяды. Дәрі жасау үшін өсімдікті көктем мен жазда гүлдерімен, жапырақтарымен, тамырымен қосып жинап алады да, көлеңкелі жерде кептіреді.[1]

Дереккөздер өңдеу

  1. Қазақстанның дәрілік өсімдіктері. Іскендіров Әбіш. Алматы "Қазақстан" 1982, 188 бет.