Шаймұрат Шәукетұлы Отарбаев

Шаймұрат Шәукетұлы Отарбаев 1958 жылы 7 желтоқсанда Жамбыл облысы Мойынқұм ауданының Бірлік ауылында туған. Қазақ. Әкесі - Отарбаев Шәукет, зейнеткер, мектепте жұмыс істеген. Анасы - Тұрғанова Кәмила, зейнеткер, балалар бақшасының меңгерушісі болған. С.М. Киров атындағы Қазақ мемлекеттік университетінің заң факультетін бітірген (1980), құқықтанушы. 1980 жылдан - ҚазКСР Ғылым Академиясы философия және құқық институтының кіші ғылыми қызметкері. 1984 жылдан - ҚазКСР ҰҚК органдарында қызметте. 1995 жылдан - ҚР ҰҚК төрағасы аппаратының жетекшісі. 1997 жылдан - ҚР ҰҚК Кадрлар департаментінің бастығы. 2000 жылдан - БҚО бойынша ҰҚК Департаментінің бастығы. 2003 жылдан 2009 жылдың мамыр айына дейін - Қарағанды облысы бойынша ҰҚК Департаментінің бастығы. 2010 жылдың қыркүйек айынан бері - Маңғыстау облысы бойынша ҰҚК Департаментінің бастығы. «КСРО Қарулы Күштеріне 70 жыл» (1988), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Мінсіз қызметі үшін» (2002) медальдарымен марапатталған. ҚР ҰҚК Құрметті қызметкері. Запастағы генерал-майор.

  • Діни көзқарасы - «Аса діни адам емеспін».
  • Қазақстанның болашағы туралы болжамы - «Оптимистік - Қазақстандық барыс аю, жолбарыс және айдаһарлардың алдында жасқана қоймайды».
  • Хоббиі - кітап оқу.
  • Сүйіп оқитын әдебиеті - барлық жанрлар.
  • Үйленген. Жұбайы - Отарбаева Раушан Жаңабекқызы.

Қыздары - Сандуғаш (1983 жылы туған), Сәлима (1999 жылы туған), Медина (2004 жылы туған); ұлы - Санжай (1985 жылы туған). Немересі - Іңкәр (2005 жылы туған).[1]

Дереккөздер өңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2