Шардара даласы
Шардара даласы – Сырдария өзеннің сол жағасын бойлай Шардара бөгенінен Көксарай аулына дейін солтүстікке қарай бойлық бағытта 175 км-ге созылып жатқан өңір, ені 50 км-ге дейін.
| Шардара даласы | |
| Сипаттамасы | |
|---|---|
| Теңiз деңгейiнен биіктігі | 200 м |
| Ұзындығы | 175 км |
| Ені | 50 км |
| Өзендер | Сырдария |
| Қаңтардағы орт. температура | –4 °C |
| Шілдедегі орт. температура | 29 °C |
| Жылдық жауын-шашын деңгейі | 200 мм |
| Орналасуы | |
| 42°34′52″ с. е. 68°20′33″ ш. б. / 42.581250° с. е. 68.342500° ш. б. (G) (O) (Я)Координаттар: 42°34′52″ с. е. 68°20′33″ ш. б. / 42.581250° с. е. 68.342500° ш. б. (G) (O) (Я) | |
| Ел |  Қазақстан |
| Аймақ | Түркістан облысы |
Географиялық орны өңдеу
Түркістан облысының Шардара, Отырар аудандары, Арыс қалалық әкімдігі аумағы жерінде.
Жер бедері, климаты өңдеу
Жер беті тегіс, биіктігі 200 м-дей; құмды, сазды аллювийлік шөгінділерден түзілген. Жер асты суы ащылау, 15 м тереңдікте кездеседі. Климаты тым континенттік. Қаңтарда орташа жылдық температура –4°C, шілдеде 29°C. Жылдық жауын-шашын мөлшері 200 мм.
Топырағы мен өсімдігі өңдеу
Топырағы солтүстігінде қоңыр, оңтүстігінде сұр, сортаңды. Эфемерлер, жусан, жыңғыл, жүзгін, баялыш, күйреуік, т.б. өседі. Суармалы жерлері мақта, күріш егуге өте қолайлы.[1]
Дереккөздер өңдеу
- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5